Janbolat Mamai men onyń tirkelmegen dempartiiasy Qazaqstannyń saiasi júiesinde ornyǵýǵa talpynys jasap jatyr. Alaida saýatty qadam bolsa jón ǵoi. Navalnyidyń jýrnalistik zertteýlerin kóp kórip, tym eliktep ketkeni sonsha, áleýmettik jelilerde Janbolattyń «zertteýleri» qaptap ketti. Zertteý dep tym ásirelep, asyryp aitqanymen, naqty faktileri, dálelderi joq. Uzyn qulaqtan jetken qatyn ósektiń ainalasyndaǵy áńgimeni «jýrnalistik zertteý» dep súiinshileidi. Alaida onyń kezekti videosyn kórgen kezde bosqa ketken ýaqyt úshin ókinýge bolady.
Bulai deýimizdiń sebebi jaqynda Mamaidyń kezekti týyndysy shyqty. Aita keteiik onyń aqparattyq shabýyldarynyń taǵy bir mańyzdy elementi qarabaiyr haip. Tanymal adamdar týraly jalǵan aqparat taratyp, eldi ózine qaratý úshin baryn salyp jatqany kórinip tur. Máselen, aldymen Baýyrjan Baibektiń balaǵyna jabysty. Dáieksiz zertteýiniń arqasynda qorjynyna taǵy bir sottyń qaýlysyn qosyp aldy. Óitkeni sotta óz sóziniń rastyǵyn dáleldei almady. Esterińizde bolsa, sot Mamaiǵa jariialaǵan málimetterin joqqa shyǵaryp, videolaryn óshirýdi mindettedi. Sol qaýlyny áli oryndamaǵanyn qoimai, taǵy bir tulǵaǵa aýyz saldy.
Berdibek Saparbaev Qazaqstandaǵy birneshe oblysty basqarǵan, saiasatta azdy-kópti jinaǵan abyroi-bedeli bar azamat. Ministr men ákim laýazymyn atqaryp júrip, ózin myqty krizis menedjer retinde dáleldegen. Ásirese qarapaiym halyqtyń oǵan degen yqylasy men súiispenshiligi erekshe. Mamaidyń Máshbekulyn nysanǵa alýy tegin emes. Baiqaimyn, Mamai ózin Qazaqstandaǵy nómiri birinshi kúresker sanaityn siiaqty. Ózi jórgeginde bylǵanyp jatqanda saiasattyń bel ortasynda júrgen aǵalaryna aqyl aitqanyna qaraǵanda solai oi túiýge bolady. Eger quqyqtyq qoǵam bolýǵa umtylsaq, onda faktiler men dálelderdiń bar-joǵyn talqylamai, kinásizdik prezýmptsiiasy týraly umytpaý kerek. Mamaida bul atymen joq.
Saparbaev týraly «týyndysynda» ár jerden estigen ósek-aiandardyń basyn quraǵan. Ol azdai ol shatpaǵyn aqyly jyljytý arqyly taratyp otyr. Iaǵni osy jerde belsendiniń sheteldik qorlardan alynǵan granttardy pysyqtaýǵa tyrysyp jatqanyna kóz anyq jetedi. Eger is sotqa deiin jetetin bolsa aitqandaryn dáleldei alýy ekitalai. Óitkeni aldynda Baibekke qatysty aitqandaryn sot aldynda dáleldei almai qarabet bolǵanyn búkil jurt biledi. Saparbaev saiasattaǵy ońai shaǵylatyn jańǵaq emes, 30 jyldyq mansabyn kez-kelgen adamǵa taptatýǵa jol bermesi anyq. Kóp uzamai Saparbaev sotqa berip, Janbolattyń qanjyǵasyna taǵy bir sottyń qaýlysy qosylsa tańǵalýdyń qajeti joq.
