«Birgemiz» qorynyń qamqorshylyq keńesi Jambyl oblysynyń Jańatas qalasynda órt saldarynan 5 balasynan aiyrylǵan Ábdimálikovter otbasyna 2 mln teńge berý sheshimin qabyldady, dep habarlaidy "Ult aqparat".
«Qor atynan qaza tapqan balalardyń ata-anasy men jaqyndaryna qaiǵy-qasiretterine ortaqtasyp kóńil aitamyz. Bul, balalardyń ata-anasy úshin de, biz úshin de orny tolmas aýyr qaza. Ábdimálikovter otbasynyń qaiǵylaryn bólise otyryp, biz materialdyq kómek kórsetýge sheshim qabyldadyq», - dedi qor tóraǵasy Rýslan Sakeev.
Esterińizge sala keteiik, «Birgemiz» qory ótken jyldyń naýryz aiynda Tuńǵysh Prezident, «Nur Otan» partiiasynyń Kóshbasshysy Nursultan Nazarbaevtyń bastamasymen koronavirýspen kúres jaǵdaiynda halyqtyń áleýmettik osal toptaryn qoldaý úshin qurylǵan bolatyn. Osy ýaqyt ishinde qor qarajatynan 655 myńnan astam muqtaj azamat 50 myń teńgeden aldy. Pandemiia bastalǵan kezeńde Nur-Sultan, Almaty jáne Shymkent qalalaryndaǵy áleýmettik álsiz 100 myń otbasyǵa 5 mln maska taratyldy.
Sonymen qatar, qor esebinen Túrkistan oblysynyń Maqtaaral aýdanyndaǵy Myrzakent aýylynda 32 úidiń qurylysy aiaqtaldy.
