Janat Jahmetova QR Energetika vitse-ministri bolyp taǵaiyndaldy, dep habarlaidy "Ult aqparat" primeminister.kz resýrsyna silteme jasap.
QR Úkimetiniń 2020 jylǵy 5 aqpandaǵy Qaýlysymen Janat Zarýbekqyzy Jahmetova Qazaqstan Respýblikasynyń energetika vitse-ministri laýazymyna taǵaiyndaldy.
J. Jahmetova 1986 jyly Qaraǵandy oblysynda dúniege kelgen. Ál-Farabi atyndaǵy Qazaq ulttyq ýniversitetin, Ó. Baiqońyrov atyndaǵy Jezqazǵan ýniversitetin jáne Aberdin ýniversitetin támamdaǵan.
Eńbek jolyn 2009 jyly «Ulttyq saraptaý jáne sertifikattaý ortalyǵy» AQ JF synaq zerthanasynyń jetekshi mamany bolyp bastaǵan. Ár jyldary aqparattandyrý salasyndaǵy memlekettik saiasatty qalyptastyrýǵa jetekshilik etetin ortalyq memlekettik organdardyń qurylymdyq bólimshelerinde jumys istegen.
2014-2016 jyldary — QR Investitsiialar jáne damý ministrliginiń Bailanys, aqparattandyrý jáne aqparat komitetiniń aqparattandyrý salasyndaǵy Memlekettik saiasatty qalyptastyrý basqarmasynyń basshysy qyzmetin atqardy.
2016 jylǵy maýsymnan 2017 jylǵy shilde aiyna deiin — QR Aqparat jáne kommýnikatsiialar ministrliginiń Aqparattandyrý departamenti direktorynyń orynbasary.
2017 jylǵy shildeden qazirgi tańǵa deiin «Zerde» UIH» AQ basqarma tóraǵasynyń orynbasary laýazymyn atqardy.
