QR Energetika ministrligi Túrkistan oblysy ákimdigi ókilderiniń, Shymkent MÓZ jáne janar-jaǵarmai stansalary jelileri ókilderiniń qatysýymen Túrkistan oblysyna munai ónimderin jóneltý máseleleri boiynsha Shymkent qalasynda kóshpeli keńes ótkizdi, dep habarlaidy QazAqparat.

Vedomstvonyń málimetine sensek, Túrkistan qalasyna deiin munai ónimderi aqyly avtojol arqyly jetkiziledi. Bul ónimniń túpkilikti qunyna áser etedi.

Keńes qorytyndysy boiynsha qazirgi tańda Shymkent MÓZ shtattyq rejimde jumys isteidi, zaýytta munai ónimderin óndirý josparǵa sáikes júzege asyrylyp jatyr.

Sonymen qatar janar-jaǵarmai quiý stantsiialaryna munai ónimderin úzdiksiz satýdy qamtamasyz etý maqsatynda Qazaqstan Respýblikasynyń munai óńdeý zaýyttaryna Túrkistan oblysynyń JQS jelilerine janar-jaǵarmaidy basymdyqpen jóneltý boiynsha shuǵyl sharalar qabyldaý tapsyryldy. 

Qazirgi ýaqytta negizgi JQS-da saýda shekteýsiz júrip jatyr.

Jergilikti avtojanarmai quiý jelilerine munai ónimderin jóneltýdi aldyn ala josparlaý, sondai-aq JJM rezervtik qoryn qalyptastyrý usynyldy.

Sonymen qatar qarasha aiynda benzin óndirisiniń kólemi 444,5 myń tonnany qurady (onyń ishinde «PKOP» JShS – 171,3 myń tonna).

Jeltoqsanda josparlanǵan óndiris kólemi 447,4 myń tonnany quraidy (onyń ishinde «PKOP» JShS-172,9 myń tonna). 

Benzinniń ortasha táýliktik óndirisi – táýligine 15,7 myń tonna, iri MÓZ-de jóneltý – táýligine 14,5 myń tonna.

1 jeltoqsandaǵy jaǵdai boiynsha Túrkistan oblysynda (Shymkent qalasyn qosa alǵanda) benzinniń jiyntyq qaldyǵy - 14,2 myń tonna.

«Bul rette 10 jeltoqsanda benzinniń jalpy qory 15,4 myń tonnany qurady, qalǵan qordyń 1,2 myń tonnaǵa óskenin atap ótemiz» dep málim etti ministrlikten.

Eske sala keteiik, birneshe kún buryn Túrkistan oblysynda janarmai tapshylyǵy týyndaǵan bolatyn.  Keibir beketter benzin men dizel otynyn birden qymbattatyp jibergen.