Elordadaǵy azyq-túlik baǵasy irgeles oblystardaǵy fermerlerdiń jaǵdaiyna bailanysty. Bul týraly qalalyq investitsiialar jáne kásipkerlikti damytý basqarmasynyń basshysy Erlan Bekmyrzaev aitty, dep habarlaidy QazAqparat.
«Bizde, Nur-Sultan qalasy boiynsha fermerler joqtyń qasy. Sondyqtan baǵa máselesi basqa óńirlerdegi fermerlerdiń ekonomikalyq jaǵdaiyna kelip tirelýi múmkin. Bizge ónimniń barlyǵy azyq-túlik beldeýinde jatqan Aqmola, Pavlodar, Qarǵandy, Túrkistan oblystarynan keledi. Iaǵni transportpen tasymaldaý quny áser etpese odan basqa áserin kórip otyrǵan joqpyz», - deidi ákimdik ókili.
Erlan Bekmyrzaev janarmai baǵasy azyq-túlik baǵasyna áser ete qalǵan kúnniń ózinde bul sharýa ministrlik deńgeiinde sheshiletinin túsindirdi.
«Biz azyq-túlik baǵasyna qatysty ǵana shara qoldana alamyz. Janar-jaǵarmaidyń baǵasy ministrlik tarapynan qadaǵalanady», - dedi basqarma basshysy.
