Foto: videodan skrinshot
18 qańtarda Jańaózen qalasy Manat kóshesinde shaqyrtýǵa bara jatqan órt sóndirý kóligi men jeńil avtokólik soǵysyp, jol-kólik apaty bolǵan. Saldarynan órt sóndirý kóligi jeke turǵyn úige soǵylǵan.
Oblystyq politsiia departamenti baspasóz qyzmetiniń habarlaýynsha, jol-kólik apatynan eki adam mert bolǵan.
"Jol apaty saldarynan 2 adam qaza taýyp, 5 adam zardap shekti. Túrli dene jaraqatyn alǵandardyń arasynda úsh órt sóndirýshi bar. Barlyǵy da aýrýhanaǵa jetkizildi", - delingen habarlamada.
Atalǵan derek boiynsha sotqa deiingi tergep-tekserý bastalǵan. Qazirgi ýaqytta oqiǵanyń mán-jaiy men sebepteri anyqtalyp jatyr. Qylmystyq is politsiia departamenti basshylyǵynyń baqylaýynda.
