Jańaózende COVID-19 virýsyn juqtyrǵan sońǵy naýqas emdelip shyqty, dep habarlaidy "Ult aqparat" Mańǵystaý oblysynyń qoǵamdyq kommýnikatsiia ortalyǵyna silteme jasap.
«Jańaózendegi infektsiialyq gospitalde 200-den astam naýqas em qabyldaǵan. Koronavirýspen aýyrǵan sońǵy naýqas emdelip shyqty. Degenmen, dárigerler turǵyndardy saqtyq sharalaryn qatań saqtaýǵa shaqyrady. Óitkeni, qazir provizorlyq ortalyqta 10 adam pnevmoniia diagnozymen em qabyldap jatyr», delingen habarlamada.
Dárigerler adam kóp jinalatyn jerlerge barýdan bas tartýdy, kúzde tumaý maýsymy kezinde saq bolýdy eskertedi.
«Álde de bosańsýǵa bolmaidy. Sebebi, koronavirýs infektsiiasynyń shilde, tamyz, maýsym ailarynda halyqqa tigen zardabyn shet jaǵasyn kórdińiz. Sony qaitalamaý úshin biz qazirgi tańda saq bolýymyz qajet. Adam kóp shoǵyrlanatyn jerlerde toi-sadaqalarǵa halyqtyń álde de barmaǵany durys. Kúzde jedel respiratorly infektsiiamen qosylyp koronavirýsty infektsiiasy taralady degen boljam áli de seiilgen joq», - Jańaózen qalalyq bas dárigeriniń mindetin atqarýshy Jańabai Ońaibaev.
Qazir Jańaózende provizorlyq statsionarlardyń materialdyq-tehnikalyq bazalaryn jaqsartý júrgizilip jatyr. Aldaǵy ýaqytta «Munaishy» klinikasynda 60 tósek provizorlyq statsionar jasaqtalady. Onda kompiýterlik tomografiia men rentgen apparaty satyp alynyp jatyr. Bul maqsatqa demeýshiler esebinen 1 mlrd 246 mln teńge qarastyrylǵan.
