Jańaózen qalasynda buralqy itter qyzdy talap tastai jazdady, dep habarlaidy Sputnik Qazaqstan agenttigi "Aktaý-Lada" portalyna silteme jasap.
13 jastaǵy qyz kóshede kele jatqan. Sol kezde ony buralqy itter qorshap, talap kete jazdaǵan. Kýágerler janýarlardy úrkitip, balany qutqaryp qalǵan.
Aita keteri, jaqynda Aqtóbe qalasynda jantúrshigerlik oqiǵa boldy. Buralqy itter 12 jastaǵy balany talap tastady. Qylmystyq kodekstiń 99-baby (Adam óltirý) boiynsha sotqa deiingi tergeý sharalary bastaldy.
Osy oqiǵadan keiin marqumnyń týǵan-týystary buralqy itterdi atýdy talap etti. Al jergilikti turǵyndar itterdi óz betinshe aýlaýǵa shyqty.
Aita keteri, 2022 jyly 2 naýryzda Qazaqstanda "Janýarlarǵa jaýapkershilikpen qaraý týraly" zań kúshine engen bolatyn. Oǵan sáikes, emdeýge kelmeitin jáne agressivti itterdi ǵana óltirýge ruqsat beriledi. Al qalǵan janýarlardy sterilizatsiiaǵa jiberý kerek.
