2022 jyldyń 1 qańtarynan eń tómengi jalaqy men ailyq eseptik kórsetkishtiń ósýine bailanysty Mindetti áleýmettik meditsinalyq saqtandyrýǵa tólenetin jarna men aýdarymdardyń mólsheri ózgerdi, dep habarlaidy Sputnik Qazaqstan.
Aita keteri, jańa jyldan bastap eń tómengi jalaqy 42 500 teńgeden 60 000 teńgege deiin, al AEK 2 917 teńgeden 3063 teńgege deiin ósti.
Tiisinshe, 2022 jyly MÁMS tólemderi de artty:
- jumys berýshi qyzmetkeri úshin onyń jalaqysynyń 3%-in tóleidi, biraq soma mólsheri 18 myń teńgeden aspaidy;
- qyzmetkerler, onyń ishinde azamattyq-quqyqtyq sipattaǵy sharttar boiynsha tabys tabatyndar óz kirisiniń 2%-in aýdarady, biraq 12 myń teńgeden aspaidy;
- jeke kásipkerler jáne jeke praktikamen ainalysatyndar – eń tómengi jalaqynyń 1,4 eselengen mólsheriniń 5%-in nemese 4 200 teńge tóleidi.
Biryńǵai jiyntyq tólem (ózin-ózi jumyspen qamtyǵandar úshin) mólsheri:
- qala turǵyndary úshin –1 AEK nemese 3 063 teńge;
- aýyl turǵyndary úshin – 0,5 AEK nemese 1 531,5 teńge.
Derbes tóleýshiler eń tómengi jalaqynyń 5%-in nemese 3 myń teńge tóleidi.
Jeńildikke ie 15 sanatqa jatatyn azamattar úshin jarnany memleket aýdarady. Búginde mundai turǵyndardyń sany 11 millionnan asady. Bir adam úshin jarna mólsheri – 3 614,2 teńge.
Qazaqstanda MÁMS júiesi 2020 jyldyń qańtarynan bastap tolyǵymen kúshine endi.
