Qazgidromet 2018 jyldyń 29 jeltoqsanynan 2019 jyldyń 2 qańtaryna deiingi aýa raiy boljamyn jariialady, dep habarlaidy "Ult aqparat".
Aldaǵy eki kúnde Qazaqstan aýmaǵynan ótetin aýa aǵyndaryna bailanysty soltústik, ortalyq jáne shyǵys oblystarǵa qar jaýady, boran soǵyp, aýa temperatýrasy kóteriledi.
Biraq 31 jeltoqsanda kún qaita sýytyp, Jańa jyl túninde aýa temperatýrasy minýs 25-30 gradýsqa, kei jerlerde minýs 33-38 gradýsqa deiin tómendeýi múmkin. Respýblika shyǵysynda 2 qańtar kúni kei jerlerde 40°S aiaz bolady.
Ońtústik jáne ońtústik-shyǵys oblystarda da qar jaýyp, kóktaiǵaq bolady. Jańa jyl mekeresinde aýa temperatýrasy minýs 3-8, kei jerlerde 15-20°S aiaz bolady.
Batys óńirlerde Jańa jyl túninde qar aralas jańbyr jaýyp, tuman túsedi, aýa temperatýrasy jyldyq ortasha klimattyq mejege jýyq bolady.
