Nurotandyqtar qazir elimizdiń ár aimaǵynda úzdik, talantty, ónerpaz oqýshylarǵa arnap Prezidenttik shyrshalar ótkizip jatyr.
Atalmysh sharany Aqtaýlyqtar jyldaǵy dástúrinen jańylmai, óz deńgeiinde atap ótti. Aqtaýdaǵy «Jarqyra, Qazaqstan! Jarqyra, týǵan jer!» atty Jańa jyldyq shyrshaǵa aýdandardan barlyǵy 250 bala kelip qatysty. Olardyń arasynda oblystyq otbasy úlgisindegi balalar aýylynyń tárbielenýshileri, sondai-aq kópbalaly jáne az qamtylǵan otbasylardyń balalary da bar.
Balalardyń asyǵa kútetin eń ǵajaiyp merekesi – Jańa jyl shyrshasyna kelgen balǵyndar Memleket basshysy Nursultan Nazarbaevtyń quttyqtaýyn úlken monitor arqyly tamashalady.
Keshtiń basty kishkentai keiipkerleri - ertegi men janýarlar áleminiń keipindegi kostiýmder kigen balǵyndardy «Nur Otan» partiiasy Mańǵystaý oblystyq filialynyń basshylary quttyqtady.
Ár balaǵa Memleket basshysy Nursultan Nazarbaevtyń atynan Prezidenttiń balalyq shaǵy týraly «Nazarbaevtai bolǵym keledi» kitaby, qysqy kiim-keshek, túrli táttiler men telefondar syiǵa berilip, merekelik dastarhan jaiyldy.
Al, 26 jeltoqsan kúni týra osyndai mereke Jetisý óńirinde jalǵasyn taýyp, balalardy erekshe qýanyshqa bóledi. Almaty oblysynda ótken merekelik sharaǵa oblystyq partiia filialynyń qyzmetkerleri qyzý atsalysty. Mereke Taldyqorǵan qalasyndaǵy «Jastar» Sport saraiynda ata-anasynyń qamqorlyǵynsyz qalǵan, múmkindigi shekteýli jáne jetim, az qamtylǵan otbasylardan shyqqan, balalar úiinde tárbielengen, oqýda úzdik - jalpy sany 200 bala qatysty. Prezidenttik shyrshanyń kishkentai qonaqtaryn tanymal ertegiler men mýltfilmderdiń keiipkerleri, animatorlar men bishiler, ánshiler jáne tsirk ártisteri qarsy aldy. Ekran arqyly Elbasynyń quttyqtaýyn tyńdaǵan balalardy «Nur Otan» partiiasy oblystyq filial tóraǵasy men partiia ókilderi quttyqtady.
Munan soń memleket basshysy, partiia Tóraǵasynyń atynan ár balaǵa jańa jyldyq syilyqtar, qystyq syrt kiimder men sporttyq kiimder, mektep sómkeleri, táttiler, quttyqtaý hattary men kitaptar tabystaldy. Balalardyń atynan «Ainalaiyn» balalar úiiniń táribelenýshisi, besinshi synyp oqýshysy Irina Vesnina men № 1 balalar úiinen 7-synyp oqýshysy Ulyqpan Qabylbekov ortaǵa shyǵyp, jańa jyldyq mereke úshin Prezidenttiń atyna balalyq tilekterin aityp, eldiń azamaty bolýǵa bar kúsh-jigerlerin arnaityndyqtaryn jetkizdi. Mereke barysynda qys mezgiliniń erekshelikteri men jańa jyldyq tańǵajaiyptar týraly teatrlandyrylǵan shoý kórsetildi. Aiaz Ata men Aqshaqar merekeniń shyraiyn kirgizip, jańa jyldyq mereke balalarǵa arnalǵan fýrshetpen aiaqtaldy.
Dál osyndai is-shara Aqtóbe oblysynda, Almaty oblysynyń Qarasai aýdanynda da jalǵasyn taýyp jatty.
Ásem Erejeqyzy
