Serik Jarasbaev 1984 jyly Soltústik Qazaqstan oblysynda dúniege kelgen. M. Qozybaev atyndaǵy Soltústik Qazaqstan memlekettik ýniversitetin, Resei halyqaralyq olimpiada ýniversitetin támamdaǵan.

Mamandanýy — dene shynyqtyrý jáne sport, memlekettik jáne jergilikti basqarý, sporttyq ákimshilendirý.

2006-2007 jyldary Petropavldaǵy balalar-jasóspirimder sport mektebinde bokstan jattyqtyrýshy-oqytýshy, nusqaýshy-sportshy bolyp jumys istedi.

2007-2010 jyldary — Soltústik Qazaqstan oblysy Týrizm, dene shynyqtyrý jáne sport basqarmasynyń bas mamany, oqý-sport bóliminiń basshysy.

2011-2012 jyldary QR Týrizm jáne sport ministrliginiń Sport komitetiniń Ǵylymi-ádistemelik qamtamasyz etý, innovatsiialyq tehnologiialar jáne bilim basqarmasynyń sarapshysy, bas sarapshysy; SQO Týrizm, dene shynyqtyrý basqarmasy basshysynyń orynbasary bolyp jumys istedi.

2012-2014 jyldary QR Sport jáne dene shynyqtyrý isteri agenttiginiń Joǵary jetistikter sporty jáne sport rezervi departamentiniń Jazǵy sport túrleri basqarmasynyń basshysy, Sport jáne dene shynyqtyrý isteri agenttiginiń Joǵary jetistikter sporty jáne sport rezervi departamentiniń direktory qyzmetterin atqarǵan.

2014-2018 jyldary QR MSM Sport jáne dene shynyqtyrý isteri komiteti tóraǵasynyń orynbasary boldy.

2018-2019 jyldary QR MSM Sport jáne dene shynyqtyrý isteri komitetiniń tóraǵasy qyzmetin atqardy.

2019-2021 jyldary — QR MSM Sport jáne dene shynyqtyrý isteri komiteti tóraǵasynyń orynbasary.

2021 jylǵy sáýirden bastap qazirgi ýaqytqa deiin — «Qazaqstandyq kerling, edendik kerling jáne petanga federatsiiasy» RQB birinshi vitse-prezidenti.