Májilis depýtaty Aidos Sarym Prezidenttiń ministrler, depýtattar men ákimderdiń jalaqysyn kóterýge bes jylǵa moratorii jariialaýyna qatysty pikirin qoldaitynyn aitty, dep habarlaidy Baq.kz portaly.
Sońǵy kezde elimizde jalaqy ósken kezde depýtattardyń eńbekaqysy solai qalǵan bolatyn. Zań shyǵarý salasyna kelgennen keiin biz bul sheshimge durys qarap, qoldaýymyz kerek. Bul zamanda halyqtan artyq ómir súrý múmkin emes. Meniń oiymsha, áriptesterimiz bul sheshimdi biraýyzdan qoldaidy. Eger basqa qyzmetke aýysamyn dese, biznespen ainalysqysy kelse, óz erikteri bar. Al halyqqa qyzmet etý degen osy, - dedi ol.
Sondai-aq Aidos Sarym jańa Premer-ministrdiń taǵaiyndalýyna qatysty oiyn da aitty.
Meniń oiymsha, Úkimetke úlken jaýapkershilik júktelip otyr. Sebebi qańtardyń basynda oryn alǵan oqiǵalar eldi múldem jańa jaǵdaiǵa qoiyp otyr. Jańa elde oianyp jatyrmyz. Jańa Qazaqstanda eskishe jumys isteý múmkin emes. Sondyqtan kóptegen jobany, túitkildi máselelerdi qaita qaraý kerek, shyndyqqa negizdelgen baǵdarlamalar qajet. Prezidenttiń ózi kez kelgen máseleni ashyq talqylaý kerek ekenin kórsetip otyr. Sonda ǵana halyq ony túsinedi, sońyna ere alady. Sondyqtan halyq ishinde osy ýaqytqa deiin jinalǵan máselelerge naqty jaýap berý kerek. Úlken jaýapkershilikten qoryqpaityn, tipti osy ýaqytqa deiin memlekettik sheneýnikterdiń aýyzynan shyqpaǵan sózderdi aitty. Elimizde oligopoliia ekenin atap ótti. Shynynda da elimizde oligopoliia. Úlken kompaniialardy, qarjy memlekettik sektorlardy azaitý kerek ekenin aitty. Áleýmettik ádilet týraly, iaǵni qoǵamda bar qarajat el úshin jumys isteýi kerek ekenin atap ótti. Azamattardyń áleýmettik deńgeiin kóterý syndy úlken máseleni kóterdi, - dedi saiasattanýshy.
Májilis depýtaty elimizdi damytatyn halyqtyń jigeri ekenin atap ótti.
Biz munai dáýirin aiaqtap jatyrmyz. Buryn elimizdiń negizgi draiveri munai bolsa, endi bizde bir ǵana energiia kózi bar. Ol – halyqtyń kúsh-qairaty, jigeri. Al ol jigerdi oiatý úshin azamattardy kásipkerlikke, basqaǵa baǵyttaý kerek, jemqorlyq siiaqty túitkildi máselelerdi ashyq talqylaý kerek. Sonda ǵana biz jańa eldi qura alamyz, - dedi ol.
