QR DSM Bas memlekettik sanitar dárigeri Erlan Qiiasovtyń jańa qaýlysy jariialandy, dep habarlaidy "Ult aqparat".
Jańa qujatqa sáikes, «QR memlekettik shekarasyndaǵy ótkizý pýnktterinde koronavirýs infektsiiasynyń aldyn alý sharalaryn odan ári kúsheitý týraly» QR Bas memlekettik sanitariialyq dárigeriniń № 59 qaýlysyna ózgeris engizilip, anyqtama usynbaǵan jolaýshylardy áýe kemesiniń bortyna otyrǵyzýǵa jibermeý jazylǵan.
Odan bólek, Bas memlekettik sanitariialyq dárigerdiń №67 qaýlysynyń 18-tarmaǵy jańa redaktsiiada jazylady:
«Karantindik sharalardy qatańdatý týraly sheshimdi qalyptasqan epidemiologiialyq jaǵdaiǵa bailanysty halyqtyń sanitariialyq-epidemiologiialyq salamattylyǵy salasyndaǵy qyzmetti júzege asyratyn oblystardyń, Almaty, Nur-Sultan, Shymkent qalalarynyń Bas memlekettik sanitariialyq dárigerleri, QR Qorǵanys ministrliginiń qurylymdyq bólimsheleriniń, ulttyq qaýipsizdik jáne ishki ister organdarynyń basshylary qabyldaidy. Al karantindik sharalardy jeńildetý týraly sheshimdi qalyptasqan epidemiologiialyq jaǵdaiǵa bailanysty QR Bas memlekettik sanitariialyq dárigeri qabyldaidy», - delingen qujatta.
Sonymen birge, QR BMSD №3 qaýlysyna da birqatar ózgerister engiziledi:
«Halyqqa vaktsinatsiialaýdyń qoljetimdiligin arttyrý jáne ekpe alý protsesin jeńildetý maqsatynda osy ádistemelik usynymdarǵa 4-qosymshaǵa sáikes talaptarǵa sáikes jyljymaly egý pýnktterin nemese kóshpeli egý brigadalaryn uiymdastyrýǵa jol beriledi»;
«Egý brigadasy árbir egý pýnktinde 1 brigadaǵa kúndelikti júktemeni eskere otyryp – 300 ekpeden asyrmai qurylady. Bul rette, 1 egý brigadasynyń quramyna: 1 dáriger, 1 egý meiirgeri jáne qajet bolǵan jaǵdaida 1 tirkeýshi kiredi. Aýyldyq jerlerde quramynda: 1 feldsher (dáriger bolmaǵan jaǵdaida), 1 egý meiirgeri, qajet bolǵan jaǵdaida 1 tirkeýshi bar egý brigadasyn uiymdastyrýǵa jol beriledi».
«17. Vaktsinatsiia júrgizý barysynda meditsinalyq uiymdar, kóshpeli/jyljymaly egý brigadalary júrgizilgen egýler, bas tartýlar, meditsinalyq qarsylyqtar jáne vaktsinany paidalaný týraly aqparatty meditsinalyq aqparattyq júieniń «Vaktsinatsiia» modýline kún saiyn engizedi.
«Qoǵamdyq densaýlyq saqtaý ulttyq ortalyǵy» ShJQ RMK kún saiyn aqparattyq júie derekteri negizinde Komitetke óńirler bólinisinde jiyntyq aqparatty osy Ádistemelik usynymdarǵa 1-qosymshaǵa sáikes kelesi kúni saǵat 7.00-ge deiin usynady».
