Qazaqstan Respýblikasy aýmaǵynda turýǵa yqtiiarhaty bar sheteldik PTR anyqtamasy bolmasa 7 kúndei karantin statsionaryna jatyzylady, dep habarlaidy "Ult aqparat".
Sanitariialyq-epidemiologiialyq baqylaý komiteti saitynda Bas memlekettik sanitar dárigeri Erlan Qiiasovtyń jańa qaýlysy jariialandy. Qaýlyǵa sáikes, QR Bas memlekettik sanitariialyq dárigeriniń 2020 jylǵy 23 qazandaǵy № 59 qaýlysyna tiisti ózgerister engizildi.
«Qazaqstanǵa kelgen azamattar, Qazaqstan Respýblikasynyń aýmaǵynda turýǵa yqtiiarhaty bar adamdar anyqtamasy bolmaǵan jaǵdaida PTR ádisimen COVID-19-ǵa zerthanalyq tekserý úshin 7 táýlikke deiin karantindik statsionarǵa oqshaýlaýǵa jatady. COVID-19-ǵa zerthanalyq tekserý nátijelerin alǵannan keiin, COVID-19-ǵa teris nátijesi bar kelgen adamdarǵa osy qaýlyǵa 3-qosymshaǵa sáikes tiisti qolhat alyna otyryp, COVID-19-dyń yqtimal simptomdary týraly túsindirý júrgiziledi. COVID-19-ǵa oń nátijemen kelgen adamdar infektsiialyq statsionarǵa jatqyzylady», - delingen qujatta.
Eske sala ketsek, Qazaqstan aýmaǵynda koronavirýs infektsiiasynyń taralýyna jol bermeý jónindegi vedomstvoaralyq komissiianyń áýe kompaniialaryna PTR testi nátijesi týraly anyqtamasy joq jolaýshylardy ushaqqa otyrǵyzýǵa tyiym salý týraly sheshimin QR Úkimetiniń baspasóz qyzmeti túsindirdi. PTR anyqtamasy joq jolaýshyny ushaqqa otyrǵyzýǵa tyiym salý tek sheteldikterge qatysty ekeni málim etildi.
