Elordada Bas memlekettik sanitarlyq dárigerdiń «Shekteý jáne karantin sharalaryn qatańdatý týraly» jańa qaýlysy shyqty, dep habarlaidy "Ult aqparat".
Elordanyń bas sanitary qaýlysynda menshik nysanyna jáne shtattyq sanyna qaramastan barlyq uiymdar, kásiporyndar qyzmetkerleriniń keminde 80%-y qashyqtan jumys isteýge kóshetini aitylǵan.
Saýda nysandarynda, qyzmet kórsetý salasyndaǵy nysandarda, qoǵamdyq kólikte jáne halyq kóp jinalatyn jerlerde dezinfektsiialyq sharalar júrgizý jumystaryn kúsheitý qajet.
Qalalyq qoǵamdyq kólik jumysyn jumys jáne senbi kúnderi saǵat 6:00-den 23:00-ge deiin jumys kestesi men jeksenbi kúnderi jumysqa tyiym salý (qarbalas ýaqytta avtobýstar sanynyń ulǵaitý, sońǵy aialdamada salondy dezinfektsiialyq quraldarmen óńdeý, barlyq esikterdi ashý, jolaýshylarǵa qoljetimdi oryndarda antiseptigi bar sanitaizerler ornatý, áleýmettik qashyqtyqty saqtaý jáne jolaýshylar men júrgizýshilerdiń maska kiýi) arqyly qamtamasyz etý qajet.
Sonymen birge, kúsheitilgen sanitarlyq-profilaktikalyq sharalardy saqtai otyryp, qalaaralyq, oblysishilik avtobýs jáne mikroavtobýs tasymaldary jumysyn, jumys jáne demalys kúnderi dini birlestikter nysandary (meshitter, shirkeýler, soborlar, sinagogalar jáne t.b.) jumysyn, buqaralyq is-sharalardy (juma namazy, dini joralar jáne t. b.) ótkizýge tyiym sala otyryp jáne onda ornalasqan qoǵamdyq tamaqtaný nysandary jumysyn kúsheitilgen sanitarlyq-profilaktikalyq sharalardy saqtai otyryp uiymdastyrý kerek.
Qaýlyda offlain keńester men otyrystar ótkizý olardy qashyqtan ótkizý múmkindigi bolmaǵan jaǵdaida ǵana, QR Bas memlekettik sanitarlyq dárigerdiń № 68 qosymshasyna sáikes algoritmdi saqtai otyryp júrgizý jazylǵan.
