Qazaqstan bas sanitar dárigeriniń jańa qaýlysy shyqty, dep habarlaidy "Ult aqparat".
Qujat boiynsha Ashyq júiesi boiynsha jumys isteitin kásipkerlik nysan sanaty 23-ke jetken.
«Qazaqstan Respýblikasynyń barlyq óńirlerine mynadai kásipkerlik obektilerinde «Ashyq» jobasyn iske asyrý taratylsyn» dep jazylǵan qaýlyda.
Olar:
1) ioga ortalyqtaryn qosa alǵanda, fitnes-klýbtary;
2) spa-ortalyqtary;
3) saýnalar, basseinder;
4) PlayStation klýbtaryn qosa alǵanda, kompiýterlik klýbtar;
5) boýling klýbtary;
6) kinoteatrlar;
7) teatrlar men filarmoniialar;
8) ashana tipindegi obektilerdi, strit-fýdtardy qospaǵanda, qoǵamdyq tamaqtaný obektileri, jazǵy alańdar, fýd-korttar, banket zaldary;
9) oblysaralyq jáne qalalyq turaqty emes (týristik) tasymaldar;
10) biliard klýbtary;
11) kontsert zaldary;
12) erikti qatysýshylar;
13) karaoke;
14) kórmeler;
15) okeanariým;
16) marafondar;
17) kórermender qatysatyn sporttyq is-sharalar;
18) Nur-Sultan, Almaty, Shymkent jáne Túrkistan qalalarynyń áýejailary;
19) (2021 jylǵy 7 maýsymnan bastap) Aqtaý jáne Qostanai qalalarynyń áýejailary;
20) lotereia klýbtary jáne lotereia satatyn ózge de oryndar;
21) balalardyń (jabyq) oiyn-saýyq ortalyqtary;
22) tsirkter;
23) otelder, qonaq úiler.
Qaýlymen birge Ashyq jobasyna jańadan qatysýshylardy qosý algoritmi, Ashyq jobasyn engizý jáne «sary/qyzyl» mártebesi bar kelýshilerdi anyqtaý kezinde sharalar qabyldaý algoritmi, josyqsyz qatysýshylardy Ashyq jobasynan shyǵarý algoritmi, Ashyq jobasyna qatysatyn áleýmettik-ekonomikalyq obektilerdiń qyzmetin shekteý men «joba kóshbasshylaryn» anyqtaýdy ólshemsharttary berilgen.
