Almaty qalasynyń bas memlekettik sanitar dárigeri Jandarbek Bekshinniń karantin týraly jańa qaýlysy shyqty. Qujatqa sáikes qoǵamdyq kólikke demalys kúnderi shtattyq rejimde júrýge ruqsat berildi, dep habarlaidy "Ult aqparat".
«Bas sanitar dárigerdiń qaýlysyna sáikes 3 sáýirden bastap qoǵamdyq kólik demalys kúnderi 06:00 men 23:00 aralyǵynda úzdiksiz qyzmet kórsetetin bolady»,- dep habarlady «Almaty Avtobustary» kompaniiasy.
Qujatqa sáikes, saýda ortalyqtary, saýda úileri jumys kúnderi ashyq bolady, demalys kúnderi jumys istemeidi.
Jumys kúnderi azyq-túlik satylmaityn jabyq bazarlardyń da qyzmetine ruqsat berildi.
Ashyq bazarlar, sondai-aq azyq-túlik satylatyn jabyq bazarlardyń qyzmetine jumys kúnderi men senbide ruqsat etiledi.
Qaýly búginnen bastap kúshine enedi.
Qaýlynyń tolyq mátini Almaty qalasy boiynsha sanitariialyq-epidemiologiialyq baqylaý departamentiniń saitynda jariialanǵan.
