Almaty ákimi Baqytjan Saǵyntaev Alataý aýdanynyń Alǵabas yqshamaýdanynyń turǵyndaryn tyńdady, dep habarlaidy "Ult aqparat".
Qala ákimi B. Saǵyntaev Instagram akkaýntynda Alataý aýdanynyń problemaly aimaqtarymen tanysyp, jumys komissiiasyn qurýǵa sheshim qabyldaǵanyn aitty.
«Eń áýeli Alǵabas yqshamaýdanyndaǵy №185 mekteptiń janyndaǵy Aldiiar kóshesiniń sý basý máselesin sheshý qajet. TJD kómegimen shuǵyl sharalar qabyldanady», - dep jazdy B. Saǵyntaev. Injenerlik jeliler júrgizilgenge deiin joldar inertti materialdarmen jabylady.
Alǵabasqa 13,5 km sý qubyry men 17 km káriz jelisi júrgizilýde. Qosymsha 1011 úidi qamtityn jelini júrgizý josparlanýda. Osylaisha búkil yqshamaýdan sýmen jabdyqtaý jáne sý burý júiesimen qamtamasyz etilmek.
Sondai-aq, Almaty ákimi Áigerim-1 yqshamaýdanyndaǵy Naberejnaia kóshesine aryq júiesin salý máselesin sheshýdi tapsyrdy. Bul atalǵan ýchaskeni sý basý qaýpin joiady.
Qala ákimi turǵyndar aitqan barlyq másele, iaǵni iesiz jeliler, kóshege jaryq ornatý, qoǵamdyq qaýipsizdikti qamtamasyz etý syndy jumystardy jeke baqylaýyna aldy. Atqarylǵan jumys týraly habarlap otyratyn jumys komissiiasy quryldy. Júrgizilip jatqan jumystardyń sapasyn tekserý úshin yqshamaýdandardyń belsendi ókilderinen qurylǵan qoǵamdyq baqylaý bastamasy qoldaý tapty. Baqytjan Saǵyntaev aýdan ákimderine olarmen turaqty bailanysta bolýdy tapsyrdy.
Ákim Shańyraq-2 jáne «14 aýmaq» yqshamaýdandaryndaǵy sorǵysh stansanyń, sondai-aq AZTM Alǵabas yqshamaýdanyndaǵy salynǵan jelilerdiń jaǵdaiymen tanysty. Jelilerdiń qurylysy aiaqtalǵan soń turǵyndardy olarǵa qosý boiynsha sharalar qabyldanady.
