Búgin elimizdiń 17 óńirinde QR Parlamenti Senaty depýtattaryn sailaý ótti. Sailaýdyń aldyn ala málimetterine súiene otyryp, senator retinde óńirlerdiń atynan elimizdiń joǵarǵy zań shyǵarýshy organynyń joǵary palatasynda ókildik etetin azamattar jaiyndaǵy málimetterdi oqyrman nazaryna usynbaqpyz.
Sonymen Nur-Sultan qalasynda 21 tańdaýshynyń 20-sy daýys berý biýlletenin alyp, olardyń 15-iniń tańdaýy Kúrishbaev Aqylbek Qajyǵululyna tústi.
2011 jyldan beri S.Seifýllin atyndaǵy Qazaq agrotehnikalyq ýniversitetiniń rektory qyzmetin atqaratyn Aqylbek Kúrishbaev sonymen qatar Nur-Sultan qalalyq máslihatynyń depýtaty da boldy. Ol eńbek jolyn V.Viliams atyndaǵy Qazaq eginshilik ǵylymi-zertteý institýtynda bastaǵan. Atalǵan mekemede qatardaǵy laboranttan direktordyń orynbasaryna deiingi laýazymdyq qyzmetter atqarǵan. Al 1997 jyly A.Baraev atyndaǵy Astyq sharýashylyǵy ǵylymi-zertteý institýtynyń direktory bolyp taǵaiyndalǵan. 2002-2008 jyldary QR Aýyl sharýashylyǵy vitse-ministri, QR AShM Ǵylym departamenti direktory, QR Aýyl sharýashylyǵy vitse-ministri bolǵan. 2008 jyldan ýniversitet rektory laýazymyna taǵaiyndalǵanǵa deiin Aýyl sharýashylyǵy ministri qyzmetin atqarǵan.
Al Almaty qalasynyń 30 tańdaýshysy biraýyzdan Medeý aýdanynyń ákimi qyzmetindegi Mákejanov Sultanbek Almasbekulynyń kandidatýrasyna daýys berdi.
Memlekettik basqarý organdarynda mol tájiribe jinaqtaǵan Sultanbek Almasbekuly Mańǵystaý oblysy ákimi apparatynyń basshysy, ákimniń orynbasary qyzmetterin atqarǵan. 2005 jyldan bastap Almaty qalasynda eńbek etti. Qala ákimi apparaty basshysynyń orynbasary, Tabiǵi resýrstar jáne tabiǵatty paidalanýdy retteý basqarmasynyń basshysy boldy. 2016 jyldyń mamyrynan Almaty qalasy ákiminiń orynbasary qyzmetin atqardy. Al 2019 jyly Medeý aýdanynyń ákimi bolyp taǵaiyndalǵan edi.
Shymkent qalasynda jalpy tańdaýshylar sany - 26. Onyń bireýi sailaý protsesine qatysa almady. Al qalalyq máslihattyń 25 tańdaýshysynyń 18-i óz daýystaryn Qapbarova Aigúl Jarylqasynqyzyna berdi.
Mamandyǵy jýrnalist Aigúl Jarylqasynqyzy buǵan deiin Senat depýtaty retinde Shymkent qalasynan sailanǵan edi. Ol «Ońtústik Qazaqstan» gazeti saiasat bóliminiń meńgerýshisi, «Shymkent Media» MKK bas redaktorynyń orynbasary, direktor - bas redaktory, «Shymkent aqparat ortalyǵy» JShS direktory - bas redaktory bolyp qyzmet atqarǵan.
Mańǵystaý oblysynyń Qaraqiia, Munaily aýdandyq máslihattary sessiialarynda usynylǵan Aldashev Súiindik Tásemenulyna daýys berýge qatysqan 100 tańdaýshynyń 87-si qoldaý kórsetti.
Qazirgi ýaqytta «Qarajanbasmunai» AQ birinshi vitse-prezidenti qyzmetin atqaratyn Súiindik Tásemenuly I.Gýbkin atyndaǵy Máskeý munai jáne gaz institýtyn bitirip, mamandyǵy boiynsha uzaq jyldar boiy «QazTransOil» kompaniiasynyń birqatar filialynda qyzmet atqarǵan. Memlekettik qyzmette de baǵyn synap, 2012-2017 jyldar aralyǵynda Mańǵystaý oblysy ákiminiń birinshi orynbasary bolǵan.
Aqtóbe oblysynan Shalqar aýdanynyń ákimi qyzmetin atqaratyn Qaniev Baýyrjan Nuralyuly 179 tańdaýshynyń 143-iniń daýysyn jinai aldy. Onyń kandidatýrasy Shalqar, Hromtaý aýdandyq máslihat sessiialarynda usynylǵan bolatyn.
Baýyrjan Nuralyuly K.Skriabin atyndaǵy Máskeý veterinariia akademiiasyn bitirgen. Aqtóbe oblysy Hromtaý aýdany ákiminiń orynbasary, ákimi, Temirtaý aýdanynyń ákimi qyzmetterin atqarǵan. 2016 jyldan qazirgi ýaqytqa deiin Shalqar aýdanynyń ákimi bolyp isteidi.
Jambyl oblysynyń daýys berýge qatysqan 177 tańdaýshysynyń 163-i qazirgi ýaqytta Jambyl oblysy ákiminiń birinshi orynbasary qyzmetin atqaratyn Orynbekov Bekbolat Serikbekulyna qoldaý kórsetti. Ony senatorlyqqa kandidat retinde Jambyl oblystyq jáne Taraz qalalyq máslihattary usynǵan-dy.
Eńbek jolyn kásiptik tehnikalyq ýchilisheniń oqytýshysy bolyp bastaǵan ol Jambyl oblysyna qarasty Talas aýdany Qarataý qalasy ákiminiń orynbasary, ákimi bolǵan. Odan keiin Sarysý aýdanynyń ákimi qyzmetin atqarǵan. Biraz jyl Taraz qalasynyń ákimi bolǵan. Qazirgi qyzmetinde 2013 jyldan beri taban aýdarmai eńbek etip keledi.
«Nur Otan» partiiasynyń Qyzylorda oblystyq filialy tóraǵasynyń birinshi orynbasary Álnazarova Aqmaral Sháripbaiqyzy ózin-ózi usynyp, tańdaýǵa qatysqan 131 máslihat depýtatynyń 102-siniń daýysyn jinai aldy.
Meditsina ǵylymdarynyń doktory Aqmaral Sháripbaiqyzy eńbek jolyn 1994 jyly Qyzylorda qalalyq balalar aýrýhanasynyń qabyldaý bóliminiń dárigeri retinde bastaǵan. Qyzylorda oblystyq balalar aýrýhanasynyń bas dárigeri, Qyzylorda oblystyq densaýlyq saqtaý basqarmasy bastyǵynyń orynbasary, basqarma bastyǵy, QR Densaýlyq saqtaý ministrligi Meditsinalyq qyzmet kórsetý salasyndaǵy baqylaý komitetiniń Qyzylorda oblystyq basqarmasynyń bastyǵy, Qyzylorda meditsinalyq kolledjiniń direktory, Qyzylorda oblysy ákiminiń orynbasary laýazymdarynda qyzmet atqarǵan. Qyzylorda oblystyq máslihatynyń hatshysy qyzmetin atqarǵan.
Soltústik Qazaqstan oblysynan is basyndaǵy senator Perepechina Olga Valentinovna ózin-ózi usynyp, tańdaýǵa qatysqan 187 máslihat depýtatynyń 162-siniń kóńilinen shyqty.
Olga Valentinovna Soltústik Qazaqstan oblystyq qarjy basqarmasynyń bastyǵy, Statistika departamenti direktorynyń orynbasary, direktory qyzmetterin atqarǵan. 2014 jylǵy 17 qazannan qazirgi ýaqytqa deiin — Soltústik Qazaqstan oblysynan VI shaqyrylǵan Qazaqstan Respýblikasy Parlamenti Senatynyń depýtaty. Ol 2014 jylǵy 17 qazannan bastap Qarjy jáne biýdjet komitetiniń múshesi, 2017 jylǵy qyrkúiekten bastap Qarjy jáne biýdjet komitetiniń tóraiymy bolǵan.
«Kazakhstan Petrochemical Industries Inc.» JShS basqarýshy direktory – basqarma múshesi Lýqpanov Saǵyndyq Esenǵaliuly Atyraý oblystyq máslihaty sessiiasynda usynylǵan edi. Sóitip, búgingi sailaý barysynda biýlleten alǵan 105 tańdaýshynyń 86-synyń qoldaýyna ie boldy.
Uzaq jyldar boiy Atyraý oblysynda temir jol salasynda eńbek etken Saǵyndyq Esenǵaliuly «Atyraý» áleýmettik-kásipkerlik korporatsiiasy« ulttyq kompaniiasy AQ basqarmasynyń tóraǵasy, 5 jáne 6-shaqyrylǵan Atyraý oblystyq máslihatynyń hatshysy bolǵan. Tipti, 2017-2018 jyldary aralyǵynda Atyraý oblysy ákiminiń birinshi orynbasary qyzmetin atqarǵan-dy.
Qostanai oblysyna qarasty Denisov jáne Beiimbet Mailin aýdandyq máslihattary sessiialarynda usynylǵan Qostanai oblysy ákiminiń orynbasary Karpliýk Sergei Alekseevich te 262 tańdaýshynyń 225-iniń qoldaýyn tapty.
Mamandyǵy injener-himik-tehnolog Sergei Alekseevich Qostanai oblystyq ónerkásip jáne saýda basqarmasynda, sondai-aq Qostanai oblystyq Ekonomika, indýstriia jáne saýda departamentinde bólim bastyǵy bolyp jumys istegen. Qostanai oblystyq Energetika, ónerkásip jáne qurylys departamentine basshylyq etken. QR Indýstriia jáne saýda ministriniń keńesshisi, QR ministrlikterindegi birqatar departament pen komitetterde basshylyq qyzmette bolǵan. «QazAvtoJol» UK» AQ basqarma basshysynyń orynbasary qyzmetin atqarǵan.
Kókshetaý qalalyq máslihaty, Zerendi aýdandyq máslihaty sessiialarynda usynylǵan «Aqmola oblysy boiynsha Tekserý komissiiasy» MM tóraǵasy Bekenov Nurlan Jeksembaiuly da óńir tańdaýshylarynyń qoldaýyn tapty. Oǵan daýys berýge qatysqan oblystyq 240 tańdaýshynyń 213-i óz daýsyn berdi.
Uzaq jyldar boiy Aqmola oblysynyń qarjylyq baqylaý basqarmasy basshysynyń orynbasary, «Qazaqstan halyq banki jinaqtaýshy zeinetaqy qory» AQ-nyń Aqmola filialynyń direktory, QR Qarjy ministrliginiń qarjylyq baqylaý komiteti sapany baqylaý basqarmasynyń basshysy qyzmetin atqarǵan Nurlan Jeksembaiulynyń zooinjener, býhgalter-ekonomist, ekonomika magistri tárizdi úsh joǵary bilimi bar. Ol Aqmola oblysy ishki memlekettik aýdit departamentiniń basshysy, Aqmola oblysy boiynsha memlekettik satyp alýlar jáne kommýnaldyq menshik basqarmasynyń basshysy qyzmetterin atqarǵan. Qazirgi qyzmetinde 2018 jyldan bastap isteidi.
Ózin-ózi usynǵan taǵy bir kandidat - Oral gýmanitarlyq kolledjiniń qarjy direktory Rysbekova Lázzát Tuiaqbaiqyzyna sailaý biýlletenin alǵan 183 tańdaýshynyń 128-i daýys berdi.
Pedagogtardyń otbasynda dúniege kelgen Lázzát Tuiaqbaiqyzy Jáńgir han atyndaǵy Batys Qazaqstan agrarlyq-tehnikalyq ýniversitetinde, Qazaq memlekettik zań akademiiasynda bilim alǵan. Batys Qazaqstan oblystyq prokýratýrasynda jumys istep, óńir prokýrorynyń kómekshisi de bolǵan. Qazirgi qyzmetinde 2011 jyldan beri isteidi. Sonymen qatar ol 2015 jyldan beri Batys Qazaqstan oblystyq Isker áielder qaýymdastyǵyn basqarady.
Kandidatýrasy Pavlodar oblystyq, Pavlodar qalalyq, Baianaýyl aýdandyq máslihattary sessiialarynda usynylǵan Pavlodar memlekettik pedagogikalyq ýniversitetiniń rektory Altynbek Nuhuly da senator retinde aldaǵy ýaqytta óńir atynan ókildik etýge múmkindik aldy. Ony óńir boiynsha sailaý biýlletenin alǵan 183 tańdaýshynyń 150-i qoldady.
Himiia ǵylymdarynyń doktory, professor, QR UǴA korrespondent-múshesi, Injenerlik ǵylymdar halyqaralyq akademiiasynyń akademigi Altynbek Nuhuly QR BǴM Joǵary bilim jáne ǵylym departamenti memlekettik standarttar jáne normativtik baza bóliminiń bas mamany, JOO attestattaý bóliminiń bastyǵy, S.Toraiǵyrov atyndaǵy Pavlodar memlekettik ýniversitetiniń ǵylymi jumys jáne halyqaralyq bailanystar jónindegi prorektory, Kópbaǵdarly gýmanitarlyq-tehnikalyq ýniversitettiń rektory, Innovatsiialyq Eýraziia ýniversitetiniń rektory, Pavlodar memlekettik pedagogikalyq institýtynyń rektory, QR BǴM Ǵylym komiteti tóraǵasynyń orynbasary, QR Premer-Ministr keńsesiniń indýstrialdy-innovatsiialyq damý bólimi sektorynyń meńgerýshisi bolǵan.
Qazirgi ýaqytta QR Parlamenti Senatynyń depýtaty Bektaev Áli Ábdikárimuly da ózin-ózi usyný arqyly mandatyn saqtap qaldy. Túrkistan oblysy boiynsha máslihattardyń daýys berýge qatysqan 238 depýtaty ishinde 216-si onyń kandidatýrasyna qoldaý kórsetti.
Áli Ábdikárimuly Ońtústik Qazaqstan oblysy ákiminiń orynbasary, Túrkistan qalasynyń ákimi qyzmetterin atqarǵannan keiin 2014 jyldyń qarashasynda Qazaqstan Respýblikasy Parlamentiniń Senatyna depýtat bolyp sailanǵan. 2019 jyldyń qyrkúieginen bastap qazirgi ýaqytqa deiin - Qazaqstan Respýblikasy Parlamentiniń Senaty Agrarlyq máseleler, tabiǵatty paidalaný jáne aýyldyq aýmaqtardy damytý komitetiniń tóraǵasy. Sonymen qatar ol 2015 jyldyń qyrkúieginen bastap «Aýyl» halyqtyq-demokratiialyq, patriottyq partiiasynyń tóraǵasy qyzmetin atqarady.
Shyǵys Qazaqstan oblystyq máslihaty usynǵan Borodýliha aýdanynyń ákimi Býlavkina Olga Aleksandrovnany óńirde tańdaý jasaǵan 275 máslihat depýtatynyń 255-i qoldady.
Shyǵys Qazaqstan memlekettik ýniversitetinde bilim alǵan Olga Aleksandrovna 2000 jyldan memlekettik qyzmetke aralasqan. «Nur Otan» partiiasy Shyǵys Qazaqstan oblystyq filialy tóraǵasynyń orynbasary, Óskemen qalasy ákiminiń orynbasary bolǵan. Qazirgi qyzmetinde 2019 jyldan beri eńbek etedi.
Almaty oblystyq máslihatynyń hatshysy Dúisembinov Sultan Myrzabekuly da ózin-ózi usynyp, óńirlik máslihattar depýtattarynyń qoldaýyna ie bolǵandardyń biri. Ony óńirdegi búgin tańdaý jasaýǵa qatysqan 287 máslihat depýtatynyń 264-i jaqtap shyqty.
Almaty sáýlet-qurylys institýtyn, Almaty halyq sharýashylyǵy institýtyn bitirgen Sultan Myrzabekuly Almaty oblysy Eskeldi aýdany ákiminiń birinshi orynbasary, aýdan ákimi, Qaratal aýdanynyń ákimi, Almaty oblysy ákimi apparatynyń basshysy bolǵan. Qazirgi qyzmetinde 2019 jyldan beri isteidi.
Búgingi kúnge deiin senatorlyq qyzmetin atqaryp júrgen taǵy bir kandidatty - QR Parlamenti Senatynyń depýtaty Ershov Sergei Mihailovichty Jezqazǵan, Sátbaev qalalyq máslihattary usyndy. Daýys berý nátijesinde tańdaý jasaýǵa qatysqan 267 máslihat depýtatynyń 222-si ony qoldap shyqty.
Almaty sáýlet-qurylys institýtyn bitirip, qurylysshy-injener mamandyǵyn alǵan Sergei Mihailovich Senat depýtaty bolǵanǵa deiin «Qazaqmys korporatsiiasy» JShS-iniń Korporativtik áleýmettik jaýapkershilik jónindegi direktory bolyp qyzmet atqarǵan.
