Foto: Sadaq.kz
Qoǵam belsendisi Jan Ahmadiev tanymal ánshi, QR Eńbek sińirgen qairatkeri Muqasan Shahzadaevqa óz pozitsiiasyn ashyq bildirdi, dep habarlaidy Ult.kz sadaq.kz saityna silteme jasap.
Belsendiniń aitýynsha, jariialanǵan video kópshiliktiń nazaryn aýdaryp, birqatar ánshiler oǵan habarlasyp, jazbany óshirýdi suraǵan. Alaida Ahmadiev bul ótinishke kelispeitinin málimdedi.
«Keshegi jazbamnan keiin biraz ánshiler habarlasyp, videony óshirýdi surap jatyr. Muqasan aǵa, araǵa adam salýdy doǵaryńyz. Videony óshirmeimin, sebebi jábirlenýshiniń aldynda jaýapkershiligim bar. Odan da Ǵalymjanǵa habarlasyp, keshirim surańyz. Áitpese, jazańyz aýyrlap ketedi. Biz sońyna deiin baramyz», – dedi Jan Ahmadiev.
Aita keteiik, buǵan deiin ánshi Muqasan Shahzadaev topqa jańadan qosylǵan ánshini uryp tastaǵanyn jazǵanbyz.
