"Samuryq-Qazyna" AQ qoǵamdyq keńesiniń tóraǵasy Bolat Jámishev Direktorlar keńesiniń múshesi, qordyń táýelsiz direktory bolyp sailandy, - dep habarlaidy Tengrinews.kz agenttigi aktsionerlik qoǵamnyń saityna silteme jasap.
"Qoǵamdyq keńes basshysyn direktorlar keńesiniń quramyna engizý - "Samuryq-Qazyna" qorynyń qyzmetine baqylaýdy arttyrý baǵdarlamasynyń bir bóligi", - delingen habarlamada.
"Samuryq-Qazyna" AQ qoǵamdyq keńesi 2021 jyldyń jeltoqsanynda úmitkerlerdi konkýrstyq irikteý arqyly quryldy. Onyń quramynda on adam bar: azamattyq qoǵamnyń jeti ókili jáne qordyń úsh ókili. Keńes bas qordyń da, onyń portfeldik kompaniialarynyń da qyzmetine qoǵamdyq baqylaý júrgizedi. Keńes músheleriniń jumysy qoǵamdyq negizde qurylǵan.
Ár jyldary Bolat Jámishev qarjy ministri, óńirlik damý ministri, Ulttyq bank tóraǵasynyń orynbasary, Qarjy uiymdaryn retteý jáne qadaǵalaý agenttiginiń tóraǵasy, Eýraziialyq damý banki basqarma tóraǵasynyń orynbasary qyzmetinde bolǵan. Ekonomika ǵylymdarynyń kandidaty.
Ol qańtardyń ortasynan beri Prezident tapsyrmasymen qurylǵan "Qazaqstan halqyna" qoǵamdyq áleýmettik qoryn basqarady.
