Jambyl oblysynda jalaqy daýlary jolǵa qoiyldy. Jambylda jyl basynan beri 108,1 mln teńge jalaqy qaryzy óndirilgen. Bul - jyldyń basynan beri eńbek inspektorlary anyqtaǵan 733 jumyskerge tiesili eńbekaqy, dep habarlaidy "Ult aqparat".
Jalpy, eńbek daýlary men narazylyqtarǵa negiz bolatyn birden bir sebep — jalaqynyń ýaqytyly tólenbeýi.
Bul týraly óńirlik kommýnikatsiialar qyzmeti alańynda ótken brifingte Jambyl oblysy ákimdigi eńbek inspektsiiasy basqarmasynyń basshysy Qairat Dosaev aitty.
«Aǵymdaǵy jyldyń qańtar-sáýir ailarynda oblystaǵy eńbek qatynastarynyń ahýaly turaqty bolyp, eńbek shielenisteri tirkelgen joq. Degenmen, jekelegen kásiporyndarda jumyskerlerdiń tarapynan jalaqyny kóterý máselesine qatysty áleýmettik jeliler, ujymdyq aryzdar arqyly óz talaptaryn bildirý faktileri «Jambyl tsement óndiristik kompaniiasy» jaýapkershiligi shekteýli seriktestiginde jáne «Qazaqtelekom» AQ-nyń oblystyq fialynyń Talas, Qordai, Taraz bólimshelerinde oryn alǵan. Bul máselelerge qatysty tiisti túsindirme jumysy júrgizilip, jumyskerlerdiń talaby ishinara qanaǵattandyryldy», - dedi Qairat Áskerbekuly.
Biyldan bastap respýblikalyq úshjaqty komissiia sheshimimen «Eńbek táýekel kartasy» apta saiyn monitoringten ótkizilip, turaqty baqylaýǵa alynǵan.
Bul baǵytta oblystyń «Ystyq núkte» kartasy ázirlenip, oǵan eńbek daýlary týyndaý qaýpi bar 45 nysan engizilip, turaqty túrde jumys júrgizilýde.
«Biyl aimaqta eńbek inspektorlarymen jeke jáne zańdy tulǵalardyń 300 aryz-shaǵymy qaralǵan. Ol boiynsha 20 tekserýler ashylyp, eńbek zańnamasyn buzýdyń 16 faktisi anyqtalǵan. Al, jalpy sommasy 889,7 myń teńgeni quraityn 7 aiyppul salynsa, oryndalýy mindetti 9 nusqama berilgen. Budan bólek, tekserister ashpai, jumys berýshi men jumyskerdi tabystyrý sharalary arqyly 14 jumyskerdiń máselesi oń sheshimin tapty», - dedi spiker.
Inspektsiia tarapynan áleýmettik-eńbek salasyn tsifrlandyrý, iaǵni E-HR júiesine eńbek sharttary engizilip jatyr.
Búginde oblysta 10 048 kásiporyn jumys istep tursa, onyń búgingi kúnge 5651-inde 189 178 jumyskerdiń eńbek sharty elektrondy formatqa aýystyrylǵan.
