Politseiler Jambyl oblysynan Almatyǵa esirtki tasymaldaǵandardy ustady, dep habarlaidy QazAqparat.
Politsiia qyzmetkerleri arnaiy is-sharanyń nátijesinde Jambyl oblysynan Almatyǵa esirtki tasymaldaityn arnany japty.
«Shilde aiynda 32 jastaǵy G.esimdi azamat kannabinoidty tobyndaǵy esirtkimen ustaldy. Ruqsat etilgen arnaiy is-sharalar barysynda ustalǵan adam 56 jastaǵy Z.esimdi azamattan esirtkini qaita satý úshin satyp alǵany anyqtaldy.Tergeý barysynda belgili bolǵandai, iri kólemdegi marihýana esirtkisin Jambyl oblysynan ákelip otyrǵan», – dedi Almaty qalalyq PD Esirtki qylmysyna qarsy kúres basqarmasynyń bastyǵy Erlan Álmaǵambetov.
Kúdiktiniń kóligin politseiler qalaǵa kireberiste bógep tastaǵan. Jeke tintý barysynda «marihýana» jáne «shishka» tuqymy tabylyp, tárkilendi.
«Esirtki jetkizýshilerdi joiý boiynsha arnaiy is-shara Jambyl oblysynda ótti. Basyp alý toby paida bolǵan kezde úi ieleri esikterin qulyptap, zattai aiǵaqty dárethanaǵa aǵyzyp, joiýǵa árekettengen. Biraq olarynan túk shyqpady. Ruqsat etilgen tintý kezinde jasyrylǵan marihýana tuqymy, untaq túrindegi esirtki zaty bar kapsýlalar jáne 160 dana tegis uńǵyly sholaq myltyǵynyń oqtary, 60 qoldan jasalǵan patron, birneshe qoldan jasalǵan ańshylyq pyshaq tabyldy jáne tárkilendi. Sondai-aq, erekshe iisi bar metall ydystary da tárkilendi. Úidiń aýlasynan 18 gúl qumarasymen esirtki ósiriletin jylyjai anyqtaldy, – dedi politsiia ókili.
Esirtki zatyn satý maqsatynda asa iri kólemde saqtaý faktisi boiynsha qylmystyq is tergelip jatyr.
