Jambyl oblysynda halyq jazýshysy, qoǵam qairatkeri Sherhan Murtaza atyndaǵy Rýhaniiat ortalyǵy ashylýy múmkin, dep habarlaidy "Ult aqparat".
Sondai-aq, qazaq ádebieti men baspasóziniń belgili tulǵasynyń esimin óńirdegi 3 mektep jáne 2 kitaphanaǵa berý jolynda bastama kóterilip, ol baǵytta tiisti jumystar júrgizilýde. Bul týraly oblystyq tilderdi damytý basqarmasy basshysynyń mindetin atqarýshy Nábira Súimanova jetkizdi.
«Jańadan boi kóterip jatqan «Shahristan» etno-mádeni kesheninde «Rýhaniiat» ortalyǵy salynyp jatyr. Soǵan Sherhan Murtazanyń esimin berý usynysy oblystyq máslihat sessiiasynda qaralyp, respýblikalyq onomastikalyq komissiiaǵa joldaǵanbyz. Komissiia qorytyndysyn kútip otyrmyz. Budan bólek, Sherhan Murtazanyń esimin 3 mektepke jáne 2 kitaphanaǵa berý týraly usynystar túsken. Bul usynystardy oblys ákimi atynan hat daiyndap Prezident Ákimshiligine jiberdik», - dedi Nábira Súimanova «Qazaq radiosyna» bergen suhbatynda.
