Jambyl oblysynda koronavirýs infektsiiasy anyqtalǵan úsh qyrǵyzstandyq óz otanyna qaitaryldy, dep habarlaidy "Ult aqparat" oblys ákimdigiginiń resmi saityna silteme jasap.
«Jambyl oblysynda buǵan deiin koronavirýs indeti anyqtalǵan 1958, 1975, 1984 jyldary týǵan qyrǵyzstandyq úsh azamat óz eline jiberildi. Úsheýi de júk tasymalymen ainalysqan. Olardan indet memlekettik shekarany ótý kezindegi tekseris barysynda anyqtaldy. Arnaiy avtokóliktermen olar shekara mańyndaǵy ótkizý pýnktine jetkizilip, ary qarai Qyrǵyz Respýblikasynyń meditsinalyq qyzmetteri alyp ketti», - delingen aqparatta.
Búgingi tańda Jambyl oblysynda juqpaly aýrýlar statsionarynda barlyǵy 41 naýqas jatyr. Olardyń jaǵdaiy qanaǵattanarlyq.
Aita keteiik, oblys boiynsha dárilik zattar, meditsinalyq jabdyqtar, dezinfektsiialyq jáne jeke qorǵaný quraldary, PTR men test-júielerin satyp alýǵa jalpy 860 mln teńge bólingen. Onyń 536 mln teńgesi QR Úkimetiniń rezervtik qorynan, 43 mln teńgesi QR Densaýlyq saqtaý ministrliginiń epidemiologiialyq qorynan, 281 mln teńgesi jergilikti biýdjetten qarastyrylǵan. Qazirgi ýaqytta oblystyq meditsinalyq mekemelerde satyp alý jáne jetkizý sharalary júrgizilýde.
