Jambyldyq politseiler «Quqyqtyq tártip» jedel-aldyn alý is-sharasynyń qorytyndysy týraly aityp berdi, - dep habarlaidy "Ult aqparat".
Jambyl oblysynyń aýmaǵynda «Quqyqtyq tártip» respýblikalyq jedel-aldyn alý is-sharasy ótkizildi.
Reidtik is-sharalar barysynda Jambyl oblysynyń PD qyzmetkerleri jol qozǵalysy erejelerin buzýshylardy anyqtap, olardyń jolyn kesti, kóp páterli jáne jeke turǵyn úilerdiń aýlalarynda quqyqtyq tártipti qamtamasyz etýge, sondai-aq qoǵamdyq tártipti buzý derekterine erekshe nazar aýdardy.
Is-sharanyń jeti kúniniń qorytyndysy boiynsha politsiia qyzmetkerleri 72 qylmysty, sondai-aq buryn jasalǵan 23 qylmysty ashqan.
«Tyiym salynǵan zattardy saqtaýdyń nemese alyp júrýdiń 30 deregi anyqtaldy, onyń ishinde esirtkini zańsyz saqtaýdyń 15 deregi, tirkelmegen qarýdy alyp júrýdiń 11 deregi jáne sýyq qarý men oq-dárilerdi alyp júrýdiń 2 deregi anyqtaldy. Sondai-aq, izdeýde júrgen 23 qylmysker men 13 zańsyz migrant ustaldy»,-delingen oblystyq PD baspasóz qyzmetiniń habarlamasynda.
Sonymen qatar, shara barysynda 4 863 ákimshilik quqyq buzýshylyq anyqtaldy, onyń ishinde qoǵamdyq oryndarda spirttik ishimdikter ishýdiń 499 deregi, usaq buzaqylyqtyń 417 deregi, turmys salasynda quqyqqa qaishy áreketter jasaýdyń 106 deregi, qorǵaý nusqamasyn buzýdyń 26 deregi bar. Ata-analar men basqa da zańdy ókilderdiń kámeletke tolmaǵandardy tárbieleý jónindegi mindetterin tiisinshe oryndamaǵany úshin 38 adam, kámeletke tolmaǵandardyń túngi ýaqytta oiyn-saýyq mekemelerinde nemese turǵynjaidan tys jerde zańdy ókilderiniń erip júrýinsiz bolǵany úshin 352 adam jaýapkershilikke tartyldy.
«Jol qozǵalysy erejelerin buzǵan azamattarǵa qatysty 2069 ákimshilik hattama toltyryldy. Zańsyz ainalymnan 19 birlik qarý tárkilendi. Is-shara barysynda destrýktivti dini aǵymdardy ustanatyn 1079 azamat tekserildi»,-delingen vedomstvo habarlamasynda.
