8 naýryz Halyqaralyq áielder kúnine orai Jambyl oblysy ákimi Asqar Myrzahmetov eki kóp balaly ananyń shańyraǵyna baryp, arnaiy quttyqtady. Aldymen Taraz qalasy Báiterek móltek aýdanynyń turǵyny Dariia Kúzenbaevanyń úiine barǵan Asqar Isabekuly kópbalaly anaǵa ystyq yqylasyn, jyly lebizin bildirdi.
Joldasy Álimjan Kúzenbaev ekeýi 8 ul-qyzdy tárbielep otyrǵan Dariia Saǵynbaiqyzy «Altyn alqa» iegeri. Búginde bala kútimine bailanysty úide otyr. Tórt úlken ul-qyzy joǵary jáne arnaýly oqý oryndarynda grantta oqidy. Al eki balasy №3 mektep-litseiinde oqysa, eki búldirshini úi tárbiesinde.
Sondai-aq, Asqar Isabekuly «Massiv Arai» aýdanynda turatyn kópbalaly ana Gýlbar Egemberdievany da arnaiy baryp, quttyqtady. «Altyn alqa» iegeri joldasy Atabek Egemberdiev ekeýi jeti ul-qyzdy tárbielep otyr.
Óńir basshysy kópbalaly analardy halyqaralyq áielder merekesimen quttyqtap, izgi tilegin jetkizdi. Óz kezeginde analar da sóz alyp, kópbalaly jáne az qamtylǵan otbasylardyń jaǵdaiyna kóńil bólip, áleýmettik kómekti arttyrýǵa tapsyrma bergen Elbasyǵa degen alǵystaryn jetkizip, el tynyshtyǵyn tiledi.
Bul kúni oblys ákimniń orynbasarlary, qala jáne aýdan, aýyldyq okrýg ákimderi, qoǵamdyq uiym basshylary da óńirdegi kópbalaly jáne múgedek bala kútimindegi analardyń shańyraǵyna at basyn tirep, merekelerimen quttyqtady.
Aita keteiik, búginde oblysta 44100 kópbalaly jáne 14852 az qamtylǵan otbasy bar. Olarǵa túrli deńgeidegi áleýmettik kómekter kórsetilýde. Bul baǵytta biyl respýblikalyq jáne oblystyq biýdjetten barlyǵy 30,6 milliard teńge qaralǵan. Respýblikalyq biýdjetten bólingen 19,7 milliard teńgege túrli áleýmettik járdemaqylar tólenetin bolsa, jergilikti biýdjetten qarastyrylǵan 8,4 mlrd.teńgege áleýmettik kómekter kórsetilmek. Sondai-aq, oblystaǵy turǵyn úi kezeginde turǵan kópbalaly jáne az qamtylǵan otbasylarǵa arnalyp biyl 10 jataqhana salynbaq. Onyń 3-i Jańatas, Shý, Qarataý, 7-i Taraz qalasynda boi kóteredi.
