Jambyl oblysynda kólik politseileri esirtkiniń iri partiiasyn tárkiledi, - dep habarlaidy QazAqparat.
Shý stantsiiasynda kólik politsiiasy qyzmetkerleri «Qarasora – 2021» jedel aldyn alý is-sharasyn júrgizý barysynda Jambyl oblysynyń 54 jastaǵy turǵynyn ustady. Er adamnan 26,5 keli «marihýana» esirtkisi tárkilendi.
Anyqtalǵan esirtki partiiasy óte úlken mólsherge jatady. Ustalǵan adam «Esirtki quraldaryn, psihotroptyq zattardy ótkizý maqsatynsyz asa iri mólsherde zańsyz saqtaý» baby boiynsha jaýapqa tartylady. Kúdikti qamaýǵa alyndy.
«Jyl basynan beri Kóliktegi politsiia departamentiniń qyzmetkerleri esirtki zattarynyń zańsyz ainalymyna bailanysty 331 qylmystyq quqyq buzýshylyqty anyqtady. Zańsyz ainalymnan 158 keliden astam túrli esirtki quraldaryn tárkiledi»,-delingen vedomstvo habarlamasynda.
