QR Densaýlyq saqtaý ministri Aleksei Tsoi Jambyl oblysyndaǵy zaýytta koronavirýsqa qarsy vaktsina qashan shyǵarylatynyn aitty, dep habarlaidy QazAqparat.
«Biz qazir málimetterdi kútip otyrmyz. Qazirgi kezde óndiristerdi iske qosý kestesi pysyqtalyp jatyr. Taiaý arada tehnologiialyq jelini tapsyrýy kerek. Ary qarai barsha protsesterdi júrgizgennen keiin, zaýyt iske qosylady. Ázirge, bul nátije biyldyń sońyna qarai bolady dep eskerilgen. Sondyqtan merzimderge qatysty Bilim ministrligi habarlaýy tiis», - dedi A. Tsoi Ortalyq kommýnikatsiialar qyzmetinde.
Sonymen qatar ministr Biologiialyq qaýipsizdik problemalary ǵylymi-zertteý institýty bazasynda vaktsinanyń alǵashqy toptamasy shyǵarylǵanyn, alaida qazirgi ýaqytta klinikalyq zertteýler nátijesi boiynsha tehinkalyq esepterdi tapsyrǵanyn kútip otyrǵanyn aitty.
«Ony sáýir aiynyń sońyna qarai alamyz dep kútip otyrmyz. Buǵan deiin aitylǵandai, otandyq vaktsinany saldyrýǵa daiyndalyp júrmin», - dedi Aleksei Tsoi.
Buǵan deiin habarlanǵandai, Densaýlyq saqtaý ministri koronavirýsqa qarsy otandyq vaktsinanyń shyǵýyn kútip, osy ekpeni saldyratynyn aitty.
