© Sputnik / Vitalii Beloýsov
Jambyl oblysyndaǵy "Shóldala" shekara bóliminde áskeri qyzmetkerdiń qaza tabýyna qatysty qylmystyq is boiynsha kúdikti ustaldy, dep habarlaidy Sputnik Qazaqstan.
Ishki ister ministrliginiń málimetinshe, Ulttyq qaýipsizdik komiteti Jambyl oblysy boiynsha shekara qyzmeti departamentiniń áskeri qyzmetkeri, qatardaǵy jaýynger D.Mirashtyń qaitys bolýy faktisi boiynsha qylmystyq is tirkelip, Qazaqstan Qylmystyq kodeksiniń 451-babynyń 2-bóligi – aýyr zardaptarǵa ákep soqqan bilikti jáne laýazymdyq ókilettikterdi asyra qoldaný boiynsha tergeý júrip jatyr.
Isti Qazaqstan IIM Ońtústik óńirlik áskeri tergeý basqarmasynyń Taraz bólimi tergep jatyr.
"Kúdikti ustalyp, ýaqytsha ustaý izoliatoryna qamaldy", - dep habarlady IIM baspasóz qyzmeti QazAqparat agenttigine.
Basqa aqparat jariia etilmeidi.
