Al tergeýde anyqtalǵandai, oqiǵa naýryzda qaraýsyz qalǵan ǵimaratta bolǵan. Oqiǵa týraly zardap shekkenderdiń biriniń anasy habarlady. Onyń toǵyz jastaǵy uly aýrýhanaǵa túsken, sol kezde dárigerler bala aýyr jaraqat alǵanyn anyqtaǵan.
Kúdikti balalardy ata-anańa kúsh kórsetemin dep qorqytqany anyqtaldy. Shý aýdanynyń turǵyndary ustalǵan er adam jergilikti meshitterdiń birinde imamnyń kómekshisi bolǵanyn aityp otyr. Biraq bas imam bul derekti joqqa shyǵaryp, qolastynda ondai qyzmetker múldem bolmaǵanyn jetkizdi.
Keiin Qazaqstan musylmandary dini basqarmasynyń ókili bul aqparatty joqqa shyǵardy.
"Kúni keshe Shý aýdanynda bolǵan sumdyq oqiǵany estip júregimiz syzdady. Sonymen qatar, bul azǵyndy meshit imamynyń kómekshisi depti jańalyqtarda. Alaida zorlyqshy Shý aýdany, Birlik aýylynda 1992 jyly dúniege kelgen, esh jerde jumys istemeitin aýyl turǵyny meshitke keide kelip júrgeni bolmasa, meshittiń dini rásimderine qatysy joq. Jambyl oblysynda meshit qyzmetkeri retinde tirkelmegen.
Oblystyq "Hibatýlla Tarazi" meshiti BAQ-tyń joǵaryda atalǵan aýyl turǵynyn meshit kómekshisi dep aitqany shyndyqqa janaspaityndyǵyn málimdeidi", - dedi QMDB ókilderi.
Basqarma baspasóz qyzmeti "QMDB qurylymyndaǵy dini laýazymdar tizilimi jáne mindetteri" qujatynda "meshit kómekshisi" degen laýazym joq ekenin atap ótti.
Pedofil buǵan deiin de mektep oqýshylaryna azǵyndyq jasady degen boljam bar. Politsiia ázirge málimetter jariialamady.
"Politsiia qyzmetkerlerimen jedel izdestirý sharalaryn júrgizgende Shý aýdanynyń 30 jastaǵy turǵyny ustaldy. Bul derek boiynsha QR QK 12-babynyń 4-bóligimen sotaldy tergep-tekserý bastaldy. Kúdiktige qatysty Shý aýdanynyń soty qamaýǵa alý bultartpaý sharasyn bekitti. Barlyq saraptama taǵaiyndaldy", - deidi Jambyl oblysy PD baspasóz hatshysy Gúlsara Muhtarqulova.
© ktk.kz
