Foto: t.me/halyqstan
Taraz qalasynda jol-kólik oqiǵasy saldarynan Jambyl oblysy UQKD qyzmetkerleri qaza tapty, dep jazady Halyqstan telegramm arnasy.
Shóldala massivi jaǵynan Bektóbe aýylyna qarai baǵyt alǵan Toyota Camry kóligi qala shekarasynan shyǵa bere Taraz qalasynan Aisha bibi aýyly baǵytynda kele jatqan Mitsubishi Pajero kóligimen soqtyǵysqan.
31 jastaǵy maior F.Aǵybai aýyr jaraqat alyp, oqiǵa ornynda qaza tapty. Onymen birge bolǵan áriptesi E.Maksim qalalyq kópsalaly aýrýhanaǵa "jabyq bas-mi jaraqaty, midyń shaiqalýy, sol aiaqtyń jabyq synyǵy" diagnozymen jetkizildi. Alaida, kelesi kúni aýrýhanada kóz jumdy. Olarmen birge bolǵan er adam men áiel, sondai-aq Mitsubishi Pajero kóliginiń júrgizýshisi men jolaýshysy túrli jaraqattarmen aýrýhanaǵa jetkizildi.
Beiresmi málimet boiynsha, Toyota Camry júrgizýshisi mas kúiinde kólik tizgindegen.
Qazir atalǵan derek boiynsha QR Qylmystyq kodeksiniń 345-baby 3-bóligi “Abaisyzda adam ólimine ákep soqqan jol qozǵalysy erejelerin buzý” baby boiynsha sotqa deiingi tergeý bastaldy.
