Jambyl oblysynda shopan 61 jylqy men 169 qoi satty degen kúdikke ilindi,- dep habarlaidy "Ult aqparat".
Aǵymdaǵy jyldyń 15 naýryzynda Baizaq aýdanynyń politsiia bólimine Taraz qalasynyń turǵyny fazendasynan iri qara jáne usaq maldardyń joǵalǵany týraly aryzdanǵan. Ol ótken jyldyń qarasha aiynan bastap maldar shopannyń baǵýymen Baizaq aýdanyndaǵy jaiylymda bolǵandyǵyn aitqan. 12 naýryzda ol fazendaǵa kelip, 61 jylqysy men 169 qoidyń joq ekenin kórgen. Jábirlenýshige keltirilgen zalal 36 million 680 myń teńgeni quraidy.
«Atalǵan derekke qatysty Qazaqstan Respýblikasy Qylmystyq kodeksiniń 189-baby 4-bóligi iaǵni asa iri mólsherde senip tapsyrylǵan bóten múlikti iemdený nemese ysyrap etý boiynsha sotqa deiingi tergeý amaldary bastaldy. Bul bap boiynsha múlki tárkilenip, jeti jyldan on eki jylǵa deiingi merzimge bas bostandyǵynan aiyrýǵa jazasy qarastyrylǵan», - delingen oblystyq politsiia departamenti baspasóz qyzmetiniń habarlamasynda.
Sondai-aq, vedomstvonyń málimetinshe, politsiia qyzmetkerleri kúdikti retinde 40 jastaǵy shopandy ustap, ýaqytsha ustaý izoliatoryna qamaqqa alǵan. Kúdikti óz kinásin tolyq moiyndaǵan. Qajetti saraptamalar taǵaiyndaldy.
