Otandyq QazVac vaktsinasynyń 600 myń dozasy qoimada tur. Densaýlyq saqtaý ministri Aleksei Tsoi ortalyq kommýnikatsiialar qyzmetinde ótken brifingide osyndai málimet berdi, dep habarlaidy QazAqparat.
«Qazaqstandyqtar otandyq QazVac vaktsinasynyń tiimdiligin endi túsinip, suranys artyp jatqanda nege Qyrǵyz eline 25 myń dozasyn jiberdińizder? Ózimizdiń óńirlerde osy vaktsinany tappai qalyp jatqandar kóp qoi».
Ortalyq kommýnikaiialar qyzmetinde Aleksei Tsoiǵa BAQ ókilderi tarapynan osyndai saýal qoiyldy.
«Óńirlerge QazVac vaktsinasynyń 100 myń dozasy jetkizilip jatyr. Kei óńirlerge jetip te qoidy. Sonymen qatar, 600 myń doza shyǵaryldy. Qazir bul ónim qaýipsizdik boiynsha tekserýden ótýde. Tamyz aiynda ol dozalar da el óńirlerine jetkiziledi», - dedi ministr AQ ókiliniń saýalyna bergen jaýabynda.
Sondai-aq, ol Qyrǵyz Respýblikasyna jiberilgen vakina týraly da pkir bildirdi.
«Qyrǵyz Respýblikasyna gýmanitarlyq kómek týraly aitsaq, kórshi el Memleket basshylyǵynan kómek suraǵan bolatyn. Qazaqstan ózi de gýmanitarlyq kómek alyp otyrǵan jáne kómek kórsetetin el retinde kórshi, baýyrlas respýblikaǵa járdem berdi. Sondyqtan bul Qazaqstannyń jetistigi deýge bolady. Bizdiń vaktsina ózge elderde de qoldanylyp jatyr. Árine, bizden kóbirek mólsherde suraǵan bolatyn. Jambyl oblysynda ózimizdiń óndiristik alańdy iske qosýdyń arqasynda siz ataǵan mólsherde kómek berdik. Qazir biz belgili bir óndiristik qýatqa kóshtik. Qosymsha 600 myń doza qoimada tur», - dedi Aleksei Tsoi.
