Shý jol distantsiia basshysynyń orynbasary 3 jarym jylǵa, al 2-shi ýchaskeniń basshysy men orynbasary eki jylǵa bas bostandyǵynan aiyryldy, dep habarlaidy ktk.kz.
Sot protsesi 9 aiǵa sozyldy. 700 adamnan jaýap alynyp, 25 jeke jáne zańdy tulǵa jábirlenýshi dep tanyldy. Biraq zardap shegýshilerdiń tek ekeýiniń ǵana ótinishi qanaǵattandyrylǵan. Apattan kóz jumǵan 12 jastaǵy jasóspirimniń týystaryna sottalýshylar moraldyq jáne materialdyq shyǵyn esebinde 3 jarym million teńge beretin boldy. Al aiaǵyn jaraqattaǵan ekinshi jábirlenýshige «Jolaýshylar tasymaly» aktsionerlik qoǵamy 500 myń teńge tóleýge mindetteldi.
"Bul úkim boiynsha olardyń kinálary men taǵylǵan aiyp óz dálelin tolyq tapty. Sebebi is boiynsha jinaqtalyp, aiyptaý tarapynan usynylǵan dáleldemelerine sai aiyptary dáleldendi", - dedi sýdia Ernar Jamanqulov.
Sottalýshylar bolsa, sot úkimimen kelispei otyr. Olar ózderiniń kinálaryn moiyndaǵan joq. Sondyqtan apelliatsiialyq shaǵym túsirmek.
Eske salsaq, byltyr 17-shi maýsymda Astana-Almaty jolaýshylar poiyzy Shý aýdanynda apatqa ushyraǵan edi. 8 vagon joldan shyǵyp ketip, úsheýi aýdaryldy. Oqys oqiǵa saldarynan 12 jastaǵy jasóspirim qaza taýyp, 11 jolaýshy jaraqat alǵan. Óz isine nemquraily qarady degen aiyppen shoiyn jol qyzmetine jaýapty úsh adam jazalandy.
