Jambyl oblysynyń Jýaly aýdanynda qus tumaýy anyqtalǵan bir aýyldyq okrýg karantinge alyndy, dep habarlaidy "Ult aqparat".
Oblys ákimdiginiń resmi saitynda málim etilgendei, biylǵy 23 qyrkúiekte Jýaly aýdanynyń Qaratas aýylynda úi qustary arasynda qus tumaýy anyqtaldy. Osyǵan orai, Jýaly óńirlik inspektsiiasy Kúreńbel aýyldyq okrýginde karantin jariialady. Qaratas aýylynyń kireberisine shlagbaým jáne dezinfektsiialyq kedergi ornatyldy.
Karantindik rejim aiasynda aýrýdyń oshaqtaryn joiý jáne onyń odan ári taralýyn boldyrmaý boiynsha is-sharalar jospary ázirlendi. Barlyq múddeli qyzmetter men bólimderdiń ózara áreket etý algoritmi uiymdastyryldy.
Sońǵy málimetter boiynsha, indetten 410 qus ólgen. Qustardyń ólekseleri arnaiy beton shuńqyrda órteldi. Atalǵan oryndy dezinfektsiialaý qoldanystaǵy talaptarǵa sáikes júrgizildi. Oshaqtyń ainalasyndaǵy 2400 sharshy metr aýmaqtaǵy aýlalar eki ret dezinfektsiialaýdan ótti. Jabaiy qustardyń ushý baǵyty boiynsha ornalasqan jeke sharýashylyqtarda úi qustaryn vaktsinatsiialaý júzege asyrylýda.
Qustardyń iesine ótemaqy tóleý úshin komissiia qurylǵan. Ótemaqy respýblikalyq biýdjetten tólenedi.
Oblys boiynsha Respýblikalyq qordan 160 myń doza vaktsina bólinip, Jýaly aýdanyna 64,6 doza vaktsina berildi. Sonymen qatar, sý qoimasy jáne qus fabrikalary ornalasqan Moiynqum, Baizaq, Jambyl, jáne Qordai aýdandaryna qus tumaýyna qarsy egiletin vaktsinalary taratylyp berildi. Qazirgi ýaqytta qustarǵa vaktsinalaý jumystary júrgizilýde.
Oblysta jeke qosalqy sharýashylyqtarda barlyǵy 1 030 560 qus bar. Qus tumaýyna qarsy vaktsinatsiia úshin respýblikalyq rezervten qosymsha 970 560 doza suraldy. Monitoring qorytyndylary boiynsha qustardyń ólimine qatysty basqa faktiler tirkelgen joq.
Búgingi tańda Jambyl oblysynda qus tumaýynyń epizootiialyq jaǵdaiy turaqty. Jaǵdai oblys ákimdigi basshylyǵynyń kúndelikti baqylaýynda.
