Jambyl oblysynda jaýyn men burshaq jaýyp, saldarynan sel júrgen, dep habarlaidy Ulysmedia.kz Tótenshe jaǵdailar ministrligine silteme jasap.
23 maýsymda Úlken Sulýtór aýylynda Yrǵaity ózeni arnasymen sel júrgen.
"Saldarynan aýyl jolyn sý basyp, eki sharýashylyq nysanyna zaqym keldi. Zardap shekkender men qaza tapqandar joq", – delingen Tótenshe jaǵdailar ministrliginiń habarlamasynda.
Qazir jergilikti atqarýshy organdar komissiiasy kelgen shyǵyndy eseptep jatyr.
"Oqiǵa ornynda Jambyl oblysy Tótenshe jaǵdailar departamentiniń segiz qyzmetkeri men eki birlik tehnikasy, jergilikti atqarýshy organdardyń eki birlik tehnikasy men bes qyzmetker jumys istep jatyr", – dep qosty ministrliktiń baspasóz qyzmetindegiler.
Sonymen qatar jaýyn saldarynan Sharbaqty aýylynan 4 shaqyrym jerdegi Yrǵaity ózenindegi sý deńgeiik kóterilgen.
"Saldarynan paida bolǵan araldaǵy kólikte 6 adam qalyp qoidy, al ekinshi sýmen aǵyp ketken. 24 maýsym 01:15-te Tótenshe jaǵdailar departamentiniń kúshimen barlyq adamdar qutqaryldy. Zardap shekkender men qurbandar joq", – delingen ministrlik habarlamasynda.
