Jambyl oblysynyń Talas aýdanynda belgisiz bireýler beiitterdiń temir qorshaýyn urlaǵan, dep habarlaidy "Ult aqparat".
Oblystyq politsiia departamentiniń baspasóz qyzmetiniń habarlaýynsha, Talas aýdandyq politsiia bólimine Qarataý qalasynyń 38 jastaǵy turǵyny týystarynyń beiitindegi shoiyn qorshaýlardy buzyp, urlap ketkendigi týraly aityp shaǵymdanǵan.
«Aýdandyq politsiia qyzmetkerleri qylmysqa qatysy bar 25 jáne 19 jastaǵy Qarataý qalasynyń turǵyndaryn anyqtady. Onyń biri buryn jerleý biýrosynda jumys istegen. Kúdiktiler ziratqa barǵanda birinshi kezdesken shoiyn qorshaýdy buzyp, bólshektep qolarbamen alyp ketken»,-delingen vedomstvo habarlamasynda .
Kúdiktiler temir synyqtaryn satqan aqshany sol kúni jumsap tastaǵan. Jeńil qarjyǵa dánikken olar oqiǵa ornyna qaita kelip, vandaldyq áreketterin jalǵastyrǵan. Tergeý jumystary barysynda kúdiktilerdiń osyǵan uqsas ózge de qylmastarǵa qatysy bar ekendigi anyqtalǵan. Ustalǵandar kinásin moiyndady.
Atalǵan derekke qatysty qazirgi ýaqytta QR QK-niń 188-baby 2-bólimi 1-tarmaqshasymen sotqa deiingi tergeý amaldary júrgizilýde.
