QR Ishki ister ministrliginiń resmi ókili Nurdildá Oraz jalǵan vaktsinatsiia pasporttary men PTR-anyqtamalardy satý faktileri týraly aitty, dep habarlaidy "Ult aqparat".
«PTR-anyqtamalardy qoldan jasaǵany jáne jalǵan vaktsinalaý júrgizgeni úshin 28 adam áshkerelendi, onyń ishinde meditsina qyzmetkerleri – 20, deldaldar – 8. Sondai-aq áleýmettik jelilerge monitoring júrgizý kezinde jalǵan vaktsinatsiia pasporttaryn jáne PTR-anyqtamalardy satý týraly 70 habarlandyrý anyqtaldy, olardyń 37-i buǵattaldy», - dedi N. Oraz onlain brifingide.
Onyń aitýynsha, osy sanattaǵy ister boiynsha tergeý-sot tájiribesi qalyptastyryldy, zańdy kúshine engen sot aktileri bar. Tórt qylmystyq is boiynsha aiyptaý úkimi shyǵaryldy.
«Al 43 qylmystyq is boiynsha tergeý áreketteri jáne saraptamalyq zertteýler júrgizilýde. Olar aiaqtalǵannan keiin kúdiktilerdiń is-áreketterin quqyqtyq baǵalai otyryp, is júrgizý sheshimderi qabyldanady. Osyǵan uqsas barlyq qylmystyq isterdiń tergelýi baqylaýda», - dedi resmi ókil.
