QR Ishki ister ministri Erlan Turǵymbaevtyń tóraǵalyǵymen Memleket basshysynyń tapsyrmasyna orai qurylǵan vaktsinatsiialaýdyń jalǵan pasporttaryn ázirleý jáne PRTs-testileýdiń ótirik nátijelerin taratý faktileriniń jolyn kesý ári tergeý jónindegi vedomstvoaralyq arnaiy toptyń kezekti otyrysy ótti, dep habarlaidy QazAqparat.
Atalǵan vedomstvo málimetinshe, otyrysqa múddeli memlekettik organdardyń basshylary (Bas prokýratýra, UQK Shekara qyzmeti, sybailas jemqorlyqqa qarsy is-qimyl agenttigi, qarjy mongitoringi jónindegi agenttik, Densaýlyq saqtaý ministrligi, Aqparat jáne qoǵamdyq damý ministrligi) qatysty. Keńes barysynda memlekettik organdar júrgizip jatqan jumystardyń nátijeleri qaraldy. Jyl basynan beri ishki ister organdary PTR-testileý men vaktsinatsiia pasporttarynyń jasandy nátijelerin qoldan jasaý jáne paidalaný boiynsha 156 qylmystyq is tirkelgeni atap ótildi. Aldyn alý is-sharalary men túsindirý jumystaryna qaramastan, jalǵan meditsinalyq qujattardy daiyndaýmen jáne paidalanýmen bailanysty buzýshylyqtar jalǵasyp jatqandyǵyna nazar aýdaryldy.
«Mysaly, 6 qyrkúiekte Mańǵystaý oblysynyń politseileri jalǵan vaktsinatsiialaý júrgizgeni úshin (aqshalai syiaqy 30 myń teńge) 8 adamdy, onyń ishinde 4 meditsina qyzmetkerin ustady. Olardyń kórsetkishterine sáikes jalǵan tólqujattar 150-den astam azamatqa berilgen. Elordada, 15 qyrkúiekte qalalyq emhananyń 2 medbikesi jáne osy jyldyń maýsym aiynan bastap jalǵan vaktsinatsiia júrgizgen deldal - mektepterdiń biriniń oqytýshysy ustaldy. Aldyn ala aqparat boiynsha 100-ge jýyq azamat jalǵan tólqujat alǵan. Barlyq anyqtalǵan faktiler boiynsha jalǵan ekpe alǵan adamdardy anyqtaý boiynsha is-sharalar júrgizilýde. Sotqa 20 qylmystyq is joldandy, 17 adamǵa qatysty 200 AEK-ke deiingi mólsherde aiyppul salynyp, aiyptaý úkimi shyǵaryldy», - dep atap ótedi ministrlikten.
Máselen, Aqtóbe qalasyndaǵy jeke klinikanyń meditsina qyzmetkeri men onyń deldaldyq qyzmet kórsetken jubaiyna oblystyq sottyń sheshimimen árqaisysyna 200 AEK (583 myń teńge) mólsherinde aiyppul salyndy.
