úrkistan oblysynda jalǵan meditsinalyq qujattardy jasap, satqan 3 azamat ustaldy, dep habarlaidy QazAqparat.
«Ministrliktiń Tergeý departamentine qarasty áskeri tergeý basqarmasy Túrkistan oblysynda jalǵan meditsinalyq qujattar jasaǵan 3 azamatty ustady. Olardyń arasynda Saryaǵash aýdandyq aýrýhanasynyń medbikesi de bar. Dáriger «COVID-19» indetiniń órship turǵanyna qaramastan Qazaqstan men Ózbekstannyń shekarasynan ótýshilerge jalǵan meditsinalyq qujattar jasap, usynǵan. Anyqtalǵandai ustalǵandar qazaqstandyq meditsina mekemeleriniń atynan jalǵan túrde em alýǵa shaqyrtý qujatyn ázirlegen jáne ony 3-8 myń teńge aralyǵyndaǵy baǵaǵa satqan. Qoldan jasalǵan qujat meditsinalyq mekemeniń shaqyrýymen kelemin degen jeleý arqyly Qazaqstannyń aýmaǵyna ótýge ruqsat úshin jasalǵan» ,- dedi QR Ishki ister ministrliginiń ókili Shuǵyla Berikqyzy QR IIM-de onlain ótken baspasóz máslihatynda.
Onyń aitýynsha, tergeý barysynda kúdiktilerden mór qoiylǵan 1266 meditsinalyq blank tabyldy.
«Búginde QR QK-niń 385 babyna sáikes, «jalǵan qujattar jasaý» degen aiyppen sot aldy tergeý sharalary júrip jatyr. Osy oraida IIM jalǵan qujat ázirlegeni úshin azamattar 4 jylǵa deiin bas bostandyǵynan airylatynyn jáne ony paidalanǵany úshin 40 kúnge deiin qamaýǵa alynatynyn eskertedi», - deidi ol.
