Foto: egemen.kz
Astana qalasynda asa iri kólemde alaiaqtyq qylmysy boiynsha izdeýde júrgen taǵy bir kúdikti ustaldy, dep habarlaidy bas prokýratýranyń baspasóz qyzmeti.
Tergeý materialdaryna sáikes, K.Súleimenov 2021-2022 jyldary adamdar tobymen azamattarǵa jalǵan avtokólik nesiesin rásimdegen. Olardyń alaiaqtyq áreketinen 231 adam 2,9 mlrd teńgeden aiyryldy.
Biyl qańtardyń sońynda Qyzylorda qalasynda onyń sybailasy R.Q.Qarjaýov ustalǵan bolatyn. Al Súleimenov 2022 jyldyń mamyr aiynan beri izdeýde júrgen.
Qazirgi kezde Súleimenov Aqtaý qalasyna jetkizilip, ýaqytsha ustaý izoliatoryna qamaldy. Oǵan taǵylǵan aiyp úshin on jylǵa deiingi merzimge bas bostandyǵynan aiyrý jazasy qarastyrylǵan. Kináli adamdardyń múlki de tárkilenedi.
