Sot júiesiniń 2018 jylǵy jumysynyń qorytyndysyna arnalǵan el sýdialarynyń keńeitilgen otyrysynda QR Joǵarǵy sot tóraǵasy Jaqyp Asanov áriptesterine túsinikti tilde baiandama jasaýdy eskertti, dep habarlaidy QazAqparat.
«Osy otyrystyń aldynda 10 kún buryn baiandama jasaýshylarǵa tiisti usynystardy jasadyq. Iaǵni, sóz sóileitinderge jańa formatty engizdik. Otyrys onlain rejimde úlken aýditoriiaǵa taralady. Sondyqtan qurǵaq esepter men kórsetkishter kerek emes. Baiandamalar kópshilikke túsinikti bolýy tiis. Ásirese, búgingi otyrysty onlain kórip otyrǵan adamdarǵa uǵynyqty bolýy kerek», - dedi Jaqyp Asanov.
Osy oraida ol saladaǵy ózekti máseleler boiynsha qylmystyq, kassatsiialyq, azamattyq jáne mamandandyrylǵan alqa tóraǵalary baiandama jasaitynyn atap ótti.
«Olardyń aldyna úsh naqty másele qoiyp otyrmyz. Birinshiden, kassatsiialyq alqa tóraǵalary retinde tómengi sottar sheshimderinde qandai ońtaily ári teris jaǵdailardy kórip otyrsyzdar? Ótken jyldaǵy sot tóreligine qatysty qandai baǵa beresizder? Ekinshiden, tómen turǵan sottarda ózderińizdiń baǵyttaryńyz boiynsha sot tóreligi sapasyn kóterý úshin nendei úles qosa aldyńyzdar? Úshinshiden, sottarǵa senim deńgeiin kóterý úshin 2019 jyly qandai sharalardy iske asyrýdy usynar edińizder?», - dedi J. Asanov.
