Simptomsyz naýqastardy úige jiberý tájiribesin qazir qoldanbaimyz. Bul týraly Aqtóbe qalasy infektsiialyq aýrýhanasynyń meiirbikesi Anar Imanǵazina málimdedi, dep habarlaidy baq.kz agenttigi.
Koronavirýs virýsynyń simptomdary: dene qyzýynyń kóterilýi, tynys alýdyń nasharlaýy, qurǵaq jótel, álsizdik, loqsý. Kóp jaǵdaida osyndai belgiler bolady. Eger de osy belgilerdiń bireýi paida bolsa, dereý baryp PTR synamasyn tapsyrý usynylady. Synamanyń nátijesine qarai em-dom qabyldaý kerek, - dedi Anar Imanǵazina.
Meiirbikeniń aitýynsha, simptomsyz naýqastar da karantindik jaǵdaida dárigerlerdiń baqylaýynda bolady.
Qazir simptomsyz naýqastardy úige jiberý tájiribesin qoldanbaimyz. Sebebi, qalada virýs órship tur. Sondyqtan da barlyǵy aýrýhanaǵa jatqyzylady. Virýsty juqtyryp almas úshin aldyn ala saqtaný sharalaryn ustaný kerek. Maska kiip, adam kóp shoǵyrlanǵan oryndarǵa barýdy shektep, únemi jeke gigiena talaptary jaǵynan saqadai sai bolý kerek. Sebebi, bul virýs - oiynshyq emes, - dedi ol.
Anar Ómirtaiqyzynyń aitýynsha, siptomdy jáne simptomsyz naýqastar júielik em alady.
Olar júieli túrde em qabyldap otyrady. Qazir aýrýhanada virýsqa qarsy preparattar bar. Solar boiynsha emdeý júrgizilip jatyr. Sondai-aq, suiyqtyqty kóbirek ishý kerek. Jaqsy tamaqtaný men tynyǵý da asa úlken mańyzǵa ie, - dedi ol.
