Dimash Qudaibergen Instagram-daǵy paraqshasynda jańa beinebaiannyń tizerin jariialady, dep habarlaidy "Ult aqparat".
«Jaqynda «Golden» ánine túsirilgen jańa beineklipim shyǵady. Eń aldymen #dears-qa qoldaý kórsetkeni úshin jáne meniń jańa týyndylarymdy árqashan asyǵa kútetini úshin alǵys aitamyn», dep jazdy D. Qudaibergen Instagram-daǵy paraqshasynda.
Osy oraida ol atalǵan týyndy YouTube kanalynda jariialanatynyn atap ótti.
«Meniń jańa beineklipim jaqsy áserge bóleidi dep senemin. Men sizderdi YouTube kanalymda kútemin. Shyǵatyn kúni jaqyn arada belgili bolady. Jańalyqtar nazarlaryńyzda bolsyn!», - dedi ánshi.
Eske sala keteiik, 2020 jyly jeltoqsan aiynda ánshi «Meni seni saǵynamyn» ánine túsirilgen beinebaianyn YouTube-taǵy resmi arnasyna jariialady.
