QR DSM Qoǵamdyq densaýlyq saqtaý ulttyq ortalyǵynyń direktory Damir Kóbjasarov koronavirýs boiynsha aldaǵy ýaqytqa optimistik boljam jasady, dep habarlaidy QazAqparat.
«Indetke shaldyqqandardy emdeýdiń ortasha kezeńi 16-17 kún. COVID-19 patsientteriniń sany ilispe aýrýlardyń bolýyna qarai artýy múmkin», - dedi ol onlain brifing barysynda.
Onyń sózine qaraǵanda, indetke shaldyǵý ósiminiń qarqyny turaqty túrde tómendep keledi, onyń kórsetkishi ortasha eseppen 3-4 paiyz.
«Búginde 1500-den astam adam emdelip shyqty, úsh myńǵa jýyǵy em-dom qabyldap jatyr. Bizdiń ortalyqtyń boljamyna sáikes, jaqyn arada aýyrǵandarǵa qaraǵanda emdelgender sany arta túsedi. Bul óz kezeginde emdeýdiń ońtaily qarqyny júrip jatqanyn, sondai-aq infektsiianyń taralýy tómendep jatqanyn baiqatady», - dedi ortalyq direktory.
