قر دسم قوعامدىق دەنساۋلىق ساقتاۋ ۇلتتىق ورتالىعىنىڭ ديرەكتورى دامير كٶبجاساروۆ كوروناۆيرۋس بويىنشا الداعى ۋاقىتقا وپتيميستٸك بولجام جاسادى, دەپ حابارلايدى قازاقپارات.
«ٸندەتكە شالدىققانداردى ەمدەۋدٸڭ ورتاشا كەزەڭٸ 16-17 كٷن. COVID-19 پاتسيەنتتەرٸنٸڭ سانى ٸلٸسپە اۋرۋلاردىڭ بولۋىنا قاراي ارتۋى مٷمكٸن», - دەدٸ ول ونلاين بريفينگ بارىسىندا.
ونىڭ سٶزٸنە قاراعاندا, ٸندەتكە شالدىعۋ ٶسٸمٸنٸڭ قارقىنى تۇراقتى تٷردە تٶمەندەپ كەلەدٸ, ونىڭ كٶرسەتكٸشٸ ورتاشا ەسەپپەن 3-4 پايىز.
«بٷگٸندە 1500-دەن استام ادام ەمدەلٸپ شىقتى, ٷش مىڭعا جۋىعى ەم-دوم قابىلداپ جاتىر. بٸزدٸڭ ورتالىقتىڭ بولجامىنا سەيكەس, جاقىن ارادا اۋىرعاندارعا قاراعاندا ەمدەلگەندەر سانى ارتا تٷسەدٸ. بۇل ٶز كەزەگٸندە ەمدەۋدٸڭ وڭتايلى قارقىنى جٷرٸپ جاتقانىن, سونداي-اق ينفەكتسييانىڭ تارالۋى تٶمەندەپ جاتقانىن بايقاتادى», - دەدٸ ورتالىق ديرەكتورى.
