Foto: Zardap shekken balalardyń anasy usynǵan
Qostanaidyń ortalyq alańynda aǵaiyndy eki jasóspirim soqqyǵa jyǵyldy, úlkeni oblystyq balalar aýrýhanasyna tústi, - dep habarlaidy Tengrinews.kz.
Oqiǵa Qostanaidyń ortalyq alańynda, oiyn-saýyq saiabaǵyna jaqyn mańda bolǵan. Onda 13 jáne 15 jastaǵy eki aǵaiyndy bala dostarymen kezdesýi kerek bolǵan. Zardap shekken balalardyń anasynyń aitýynsha, olardyń aldynan tórt eresek bala shyqqan.
"Biri iyǵymen ádeii qaǵyp ótken, keiin janjal shyqqan. Olar alleianyń artyna shyǵyp, sonda tóbeles bastalǵan. Balalardy uryp-soǵyp jatqanda, ótip bara jatqandardyń eshqaisy arasha túspegen. Bir áiel olardy ajyratqan. Ony ekeý jabylyp urǵan, jastary 18-19-da, bular ne istei alsyn. Kishkentaiy kómek shaqyrǵan. Bári qashyp ketkesin, ekeýi politsiia pýnktine barǵan, biraq ol jabyq jatqan", - deidi zardap shekken uldardyń anasy Tatiana Shelýdiakova.
