Jezqazǵanda ishinde tórt jasóspirim bolǵan BMW elektr baǵanasyna soǵylyp, 13 jastaǵy bala qaza tapty. Taǵy eki jasóspirim aýrýhanaǵa jetkizildi, dep habarlaidy ult.kz.
«Astana» telearnasynyń málimetinshe, jol apaty Sholohov kóshesinde bolǵan. Aldyn ala málimet boiynsha, júrgizýshi kólikti basqara almai qalǵan.
Oqiǵa kezinde kólikte 13, 16 jáne 17 jastaǵy tórt jasóspirim bolǵan. Soqqy saldarynan 13 jastaǵy bala alǵan jaraqatynan jedel járdem kelgenge deiin kóz jumǵan.
Qaza tapqan jasóspirimdi kólikten shyǵarý úshin tótenshe jaǵdailar qyzmetkerleri tartyldy. Oqiǵa ornyna TJD-nyń 9 qyzmetkeri men eki arnaiy tehnikasy barǵan.
Kóliktegi taǵy eki jasóspirim túrli jaraqatpen aýrýhanaǵa jetkizildi.
Qazir jol-kólik oqiǵasyna qatysty tergeý bastaldy. Quqyq qorǵaý organdary apattyń mán-jaiyn, kóliktiń kimge tiesili ekenin jáne jasóspirimderdiń kólikke qalai otyrǵanyn anyqtap jatyr.
